मालवण तालुकास्तरीय बुद्धीबळ स्पर्धेत रोझरी इंग्लिश स्कूल प्रशालेचे दोन विद्यार्थी विजेते.

१७ वर्षांखालील मुलींच्या गटातून आशिमा कोकरे तर १४ वर्षांखालील मुलांच्या गटातून मानस हळदणकर विजयी होऊन जिल्हास्तरीय स्पर्धेसाठी पात्र.

मालवण | प्रतिनिधी : सौ. हि. भा. वरसकर विद्यामंदिर, वराड येथे आयोजित करण्यात आलेल्या मालवण तालुकास्तरीय बुद्धिबळ स्पर्धेत रोझरी इंग्लिश स्कूल, मालवणच्या दोन विद्यार्थ्यांनी विजेतेपद मिळवले आहे. १७ वर्षांखालील मुलींच्या गटातून कु. आशिमा कोकरे व १४ वर्षांखालील मुलांच्या गटातून कु. मानस हळदणकर या विद्यार्थ्यांनी विजेतेपद प्राप्त करून जिल्हास्तरीय स्पर्धेत प्रवेश मिळवला आहे. दोन्ही विद्यार्थी आता जिल्हास्तरीय बुद्धिबळ स्पर्धेत मालवण तालुक्याचे प्रतिनिधित्व करणार आहेत. 

रोझरी इंग्लिश स्कूल प्रशालेचे मुख्याध्यापक फादर ॲन्थनी डिसोझा यांच्यासह रोझरी इंग्लिश स्कूल प्रशालेच्या शिक्षक, शिक्षकेतर कर्मचारी, विद्यार्थी, विद्यार्थीनी तसेच पालकांनी कु. आशिमा कोकरे व कु. मानस हळदणकर यांचे अभिनंदन केले आहे व जिल्हास्तरीय स्पर्धेसाठी सदिच्छा दिल्या आहेत. 

क्रीडा शिक्षक श्री. स्वप्निल तांबे यांनी रोझरी इंग्लिश स्कूलच्या सहभागी विद्यार्थी विद्यार्थिनींना विशेष मार्गदर्शन केल्याबद्दल प्रशंसा होत आहे.