ओव्हरटेकच्या नादात वागदेत ट्रक-डंपरचा अपघात...!
दोन्ही वाहनांच्या दर्शनी भागाचे नुकसान ; सुदैवाने कोणी जखमी नाही
कणकवली | उमेश परब : कणकवली ते असरोंडी मार्गाने जात असणाऱ्या ट्रक व डंपर चा ओव्हरटेक करण्याच्या नादात अपघात झाला. ओव्हरटेक करत असताना डंपर व ट्रक एकमेकांना घासून डिव्हायडर क्रॉस करत महामार्गाच्या दुसऱ्या लेन वर येऊन थांबले. या अपघातामुळे दोन्ही वाहनांचे मोठ्या प्रमाणावर नुकसान झाले असून, सुदैवाने कुणालाही दुखापत झाली नाही. हा अपघात सोमवारी सकाळी पावणे आठ वाजण्याच्या सुमारास वागदे हॉटेल रेड चिली जवळ घडला. अपघातानंतर वागदे ग्रामस्थांसह वाहतूक पोलिस एस. के. कदम, ए. जे. भुतेलो, एस. एस. करवंजे, व्ही. जि. देसाई यांनी घटनास्थळी धाव घेतली. याबाबत पोलिसांनी दिलेल्या माहितीनुसार भरधाव वेगाने कुडाळ च्या दिशेने जाणारे ट्रक व डंपर ओव्हरेटेक करत असताना एकमेकांना घासले. व त्याच वेगाने ते महामार्गाच्या कणकवली कडे वाहने येणाऱ्या लेन वर येऊन थांबले. सुदैवाने या लेन वरून कणकवलीच्या दिशेने त्याच वेळी वाहने येत नसल्याने सुदैवाने मोठा अपघात टळला. अपघातानंतर वाहतूक पोलिसांनी काही वेळातच अपघातस्थळी धाव घेत दोन्ही वाहने महामार्गावरून बाजूला करत वाहतूक सुरळीत केली.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन.
'आम्ही ज्या दिवशी राजकारणात येऊ त्या दिवशीपासून भले भले गायब होतील...!'
