प्रियांका काकडे आणि स्वाती नलावडे अनुक्रमे द्वितीय व तृतीय स्थानी

कोकण कला व शिक्षण संस्थेचे आयोजन

बांदा | राकेश परब : कोकण कला व शिक्षण विकास संस्थेच्या माध्यमातून गेली १० वर्षे सामाजिक, वैद्यकीय, शैक्षणिक, महिला सक्षमिकरण अशा सर्वच क्षेत्रात वेगवेगळे उपक्रम करण्यात येतात. संस्थेच्या दहाव्या वर्धापनदिनानीमित्त ३१ ऑक्टोबरला आयोजित मुंबईतील रॅम्प वॉक स्पर्धेला स्पर्धकांनी भरभरून प्रतिसाद दिला.
कोरोना काळात सर्व नियमाचे पालन करून संस्थेने दादर, मुंबई येथे संस्थेच्या माध्यमातून रॅम्प वॉक स्पर्धेचे आयोजन करण्यात आले होते.यात शेकडो युवतींनी उत्स्फूर्त सहभाग दर्शवला.यावेळी घेण्यात आलेल्या रॅम्प वॉक स्पर्धेत वैशाली पुरी प्रथम, प्रियांका काकडेनी द्वितीय तर स्वाती नलावडे हिने त्रितीय क्रमांक पटकावला. योगिता निजामकर आणि तारा सांगळे यांनी या स्पर्धेचे परीक्षक म्हणून काम पाहिले तर बक्षिस वितरण संस्थेचे अध्यक्ष दयानंद कुबल यांच्या हस्ते करण्यात आले.
या कार्यक्रमाला सुरज कदम, शशांक सावंत, सचिन धोपट, रामचंद्र पाटील, योगेश गवाळे, नलिनी चव्हाण, श्वेता सावंत, सिंड्रेला जोसेफ, बापू माने, साक्षी धोपट आदी उपस्थित होते. या कार्यक्रमाचे सूत्रसंचालन अक्षय ओवळे यांनी तर आभार संस्थाध्यक्ष श्री. दयानंद कुबल यांनी मानले.