दिव्यांगाच्या पायाला ऍक्टिव्हा चा आधार
कणकवली नगरपंचायतचा पुढाकार
कणकवली | उमेश परब : कणकवली नगरपंचायतच्या उत्पन्नातील ५% दिव्यांग कल्याण निधीतून शहरातील दिव्यांग स्वप्नील काका बागवे याला नगराध्यक्ष समीर नलावडे यांच्या हस्ते ऍक्टिव्हा दुचाकी प्रदान करण्यात आली. नगरपंचायत च्या उत्पन्नातील ५ टक्के निधी हा दिव्यांगांसाठी कल्याण निधी म्हणून वापरला जातो. याच निधीतून दिव्यांग स्वप्नील याला ही दुचाकी आज प्रदान करण्यात आली. स्वप्नील हा कणकवली शहरात सकाळी दूध विक्री करतो. त्यानंतर दिवसभर कांदे-बटाटे तसेच भाजी विक्री करून आपला उदरनिर्वाह करतो. स्वप्नीलच्याया धडपडीला आता कणकवली नगरपंचायतने दिलेल्या दुचाकीमुळे वेग येणार आहे. नगरपंचायतने दिलेल्या दुचाकीबद्दल स्वप्नीलने नगराध्यक्ष नलावडे व प्रशासनाचे आभार मानले. यावेळी उपनगराध्यक्ष बंडू हर्णे, आरोग्य सभापती संजय कामतेकर, माजी उपनगराध्यक्ष किशोर राणे, माजी नगरसेवक बंडू गांगण, बाळा सावंत, किशोर धुमाळे आदी उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन.
'आम्ही ज्या दिवशी राजकारणात येऊ त्या दिवशीपासून भले भले गायब होतील...!'
