मसुरे | सौ.प्राजक्ता पेडणेकर : देवगड तालुक्यातील हडपीड येथील श्री स्वामी समर्थ मठाच्या अन्नछत्राच्या संरक्षण भिंतीसाठी निधी उपलब्ध करून देण्याचे आश्वासन श्री स्वामी समर्थ अन्नछत्र मंडळ (ट्रस्ट) अक्कलकोटचे प्रमुख कार्यकारी विश्वस्त श्री.अमोलराजे जन्मेजयराजे भोसले यांनी हडपीड मठाचे विश्वस्थ नंदकुमार पेडणेकर याना दिले.
अक्कलकोट येथे श्री.अमोलराजे जन्मेजयराजे भोसले यांच्या सदिच्छा भेटी दरम्यान सदर मदतीचे आश्वासन देण्यात आले आहे.
२०१९ च्या वादळी पावसाने श्री स्वामी समर्थ मठ हडपीड देवगड येथील मठाच्या अन्नछत्राचे काही बांधकाम क्षतीग्रस्त होऊन मठाच्या सर्व संरक्षण भिंती कोसळुन पडल्या आहेत. सदर बांधकाम नव्याने करून
घेण्यासाठी निधीकरीता राजेंना विनंती पत्र या भेटी दरम्यान देण्यात आले. सदर बांधकामांचे सविस्तर कोटेशन देण्यास सांगितले असून त्यानंतर श्री स्वामी समर्थ मठ हडपीड देवगड येथील मठाच्या उर्वरित बांधकाम निधीसाठी देणगी ते देणार आहेत. श्री.अमोलराजे जन्मेजयराजे भोसले यांनी आपला अमूल्य वेळ देऊन मदत करण्याचे आश्वासन दिल्या बद्दल श्री स्वामी समर्थ भक्त परिवार जोगेश्वरी मुंबई संचालीत श्री स्वामी समर्थ मठ हडपीड देवगड संस्थापक विश्वस्थ नंदकुमार पेडणेकर यांनी आभार मानले.यावेळी प्रभाकर यशवंत राणे, प्रशांत धन्वंतरी, अमेय सुभाष लाड आदी उपस्थित होते.