सावंतवाडीत माकडांच्या कळपाचा त्रास.
नागरिकांची बंदोबस्ताची मागणी.
सावंतवाडी । ब्यूरो न्यूज : सावंतवाडी शहरातील सालईवाडा, सर्वोदय नगर परिसरात सध्या माकडांच्या कळपाने धुमाकुळ घातला आहे. सुमारे वीस माकडांचा हा कळप परिसरातील नागरिकांसाठी डोकेदुखी ठरला आहे. ही माकडे विविध फुलझाडे आणि घरांच्या कौलांचे मोठ्या प्रमाणावर नुकसान करत आहेत, तर काही घरांमध्ये घुसण्याचाही प्रयत्न करत असल्याने रहिवाशांमध्ये भीतीचे वातावरण आहे. या माकडांनी सर्वोदय नगर परिसरात सावंतवाडी नगर परिषदेने लावलेल्या शेवग्याच्या झाडांचा सुपडा साफ केला आहे. झाडांभोवती कुंपण असूनही, माकडांनी झाडांचे मोठे नुकसान केले आहे. या उपद्रवामुळे नागरिक हैराण झाले असून, वन विभागाने किंवा नगरपरिषदेने या माकडांचा बंदोबस्त करावा, मागणी जोर धरत आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
