मालवण | ब्यूरो न्यूज : महायुती सरकार मच्छिमार समाजाच्या सर्वांगीण विकासासाठी अनेक योजना राबवित आहेत. अनेक योजना मच्छिमार समाजाला प्राप्त होत असताना गाबीत समाजाने आपल्या समाज बांधवांसाठी शासकीय स्तरावर विविध प्रश्न मार्गी लावण्यासाठी गाबीत समाज समस्या निवारण मंच स्थापना करून त्या माध्यमातून गाबीत समाज आर्थिक विकास महामंडळ निर्माण करण्यासाठी प्रक्रिया सुरु झाली आहे. यासाठी मंत्रालय स्तरावर मिटिंग झाली आहे. याची माहिती समाज बांधवांपर्यंत देण्याचे कार्य सुरु आहे.

यासाठी गाबीत समाज समस्या निवारण मंचाचे अध्यक्ष सुनिल जोशी हे प्रत्यक्ष मालवण येथे उपस्थित राहून समाज बांधवांशी सवांद साधणार आहेत. त्यांच्या सोबत सखाराम मालाडकर (मालवण), अरविंद मालाडकर (रत्नागिरी) तसेच मंच सदस्य सहभागी होणार आहेत. समाजाचा सर्वांगीण विकास कसा होईल यासाठी मंच प्रयत्नशील आहे.

मालवण मध्ये महामंडळ बाबत माहिती तसेच समाजातील बांधवांना व्यवसाय उभारणीसाठी अर्थसहाय्य देण्यासाठी घेण्यात येणाऱ्या शिबिराची माहिती सुद्धा देण्यात येणार आहे. २१ जून रोजी मालवण येथे विष्णू मोंडकर हॉटेल श्री महाराज, मालवण पेट्रोलपंप नजीक सकाळी ११ वाजता ही बैठक आयोजित करण्यात आली आहे. तरी सर्व समाज बांधवानी या कार्यक्रमासाठी उपस्थित रहावे, असे आवाहन महाराष्ट्र राज्य मत्स्यधोरण समिती सदस्य विष्णू मोंडकर तसेच संयोजक गाबीत समाज समस्या मंच यांनी केले आहे.