मालवणमध्ये शालेय व काॅलेज विद्यार्थ्यांसाठी शिवराज भूषण महानाट्याचे दोन प्रयोग.
मालवण | ब्यूरो न्यूज : श्री शिवराज मंच मालवण आयोजित आणि निर्मित शिवराज भूषण या ऐतिहासिक महानाट्याचे सलग दोन प्रयोग १९ आणि २० जून रोजी मामा वरेरकर नाट्यगृह, मालवण येथे शालेय आणि कॉलेजच्या विद्यार्थ्यांसाठी आयोजित करण्यात आले आहेत.
शिवरायांचा तसेच कवी भूषण यांचा इतिहास नवीन पिढी पर्यंत पोहचावा आणि त्यातून विद्यार्थ्यांनी प्रेरणा घ्यावी, या हेतूने या नाट्यप्रयोगांचे आयोजन करण्यात आले आहे अशी माहिती पत्रकार परिषदेत देण्यात आली.
मामा वरेरकर नाट्यगृह येथे शिवराज मंच तर्फे पत्रकार परिषद झाली. यावेळी शिवराज भूषण महानाट्याचे दिग्दर्शक गणेश मेस्त्री, सूत्रधार समीर शिंदे, प्रकाश संयोजक हेमंत कोळंबकर आदी उपस्थित होते. विद्यार्थ्यांसाठी सादर होणाऱ्या या महानाट्याच्या प्रयोगाचे उद्घाटन मालवण पंचायत समितीचे गटशिक्षणाधिकारी संजय माने यांच्या हस्ते होणार असून याप्रसंगी शिक्षण क्षेत्रातील अनेक शिक्षण संस्थांचे प्रमुख तसेच इतर मान्यवर उपस्थित राहणार आहेत, यावेळी सांगण्यात आले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
