मालवण | ब्यूरो न्यूज : प्राथमिक शाळांमध्ये दर्जेदार शिक्षणासाठी शासनाने नवीन शैक्षणिक धोरण अवलंबिले आहे आणि सीबीएससी पॅटर्न सुरू करण्यात आला आहे. त्याचा ग्रामीण भागातील विद्यार्थ्यांना चांगला लाभ होणार आहे. मुलांनी प्राथमिक शाळांमध्ये प्रवेश घेण्यासाठी शिक्षकांनी तसेच पालक, ग्रामस्थांनी प्रयत्न करावे, असे आवाहन गटविकास अधिकारी श्याम चव्हाण यांनी केले.

चौके जिल्हा परिषद प्राथमिक शाळेत विद्यार्थी शाळा प्रवेशोत्सव कार्यक्रम संपन्न झाला. यावेळी प्रभात फेरी काढून विद्यार्थ्यांचा शाळेत प्रवेश करण्यात आला. यावेळी विद्यार्थ्यांच्या पावलांचे ठसे घेण्यात आले. सर्व मान्यवरांच्या हस्ते मुलांना नवीन पुस्तकांचे वाटप करण्यात आले.

यावेळी चौके सरपंच पी. के. चौकेकर, शाळा व्यवस्थापन समिती अध्यक्ष नितीन गावडे, शिक्षक सदस्य सुरेश चौकेकर, ग्रामपंचायत सदस्य दुलाजी चौकेकर, ग्राम अधिकारी लक्ष्मण सरमळकर, मुख्याध्यापिका भाग्यश्री कुरणे, शिक्षिका मनीषा ढाके, श्रीमती कांबळे शाळा व्यवस्थापन समिती सदस्य, ग्रामस्थ, विद्यार्थी, पालक उपस्थित होते.

मुख्याध्यापिका भाग्यश्री कुरणे यांनी उपस्थितांचे स्वागत केले. यावेळी सरपंच पी. के. चौकेकर, शिक्षक सदस्य सुरेश चौकेकर यांनी मार्गदर्शन केले. मनीषा ढाके यांनी आभार मानले.