सावंतवाडी येथे मराठा समाजातील गुणवंत विद्यार्थी व समाजसेवकांचा ७ जून रोजी गौरव समारंभ.
सावंतवाडी | ब्यूरो न्यूज : दहावी, बारावीच्या परीक्षेत ७० टक्के च्या वर गुण मिळविलेल्या विद्यार्थ्यांचा गुणगौरव समारंभ ७ जून रोजी संध्याकाळी चार वाजता यशवंतराव भोसले इंटरनॅशनल स्कूल शिल्पग्राम, सावंतवाडी येथे होणार आहे.
याप्रसंगी कुडाळ मालवण मतदारसंघाचे आमदार निलेश राणे, शिवसेना जिल्हाप्रमुख संजू परब, जिल्हा बँकेचे अध्यक्ष मनीष दळवी, युवराज लखमराजे भोसले हे उपस्थितीत रहाणार आहेत.
दरवर्षी दहावी बारावीच्या परीक्षेत उज्वल यश संपादन करणाऱ्या विद्यार्थ्यांचा शाल, श्रीफळ, सन्मानचिन्ह व सन्मानपत्र देऊन गौरव करण्यात येतो, यावर्षी ७०% च्या वरील विद्यार्थ्यांचा सन्मान करण्यात येणार आहे. तसेच ९०% च्या वर गुण मिळालेल्या विद्यार्थ्यांचा विशेष सन्मान यावेळी संपन्न होणार आहे. तसेच सामाजिक, सांस्कृतिक व आरोग्य क्षेत्रात उल्लेखनीय कामगिरी करणाऱ्या मराठा समाज बांधवांचाही यावेळी मान्यवरांच्या हस्ते शाल, श्रीफळ, सन्मान चिन्ह व सन्मानपत्र देऊन सत्कार होणार आहे.
विद्यार्थ्यांनी नाव नोंदणी केली नसेल तर कार्यक्रमापूर्वी अर्धा तास उपस्थित राहून नाव नोंदणी करावी, आवाहन सकल मराठा समाजाचे अध्यक्ष सीताराम गावडे यांनी केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
वेंगुर्लेत महाराष्ट्र चेंबर ऑफ कॉमर्सची 'गाव तिथे उद्योजक’ संकल्पनेवर विशेष बैठक संपन्न.
वेंगुर्लेत महाराष्ट्र चेंबर ऑफ कॉमर्सची 'गाव...
४१ व्या युवा राष्ट्रीय बास्केटबॉल चॅम्पियनशिप स्पर्धेत वैष्णवी परदेशी व अयान सोरठिया करणार महाराष्ट्राच्या संघाचे नेतृत्व.
