पुण्यश्लोक अहिल्याबाई होळकर यांच्या ३०० व्या जयंतीनिमित्त १ जून रोजी 'अहिल्या भीम पर्व' कार्यक्रम.
ओरोस येथे समृद्धी पब्लिकेशन, सिंधुदुर्ग यांचे आयोजन.
मसुरे | प्रतिनिधी : समृद्धी पब्लिकेशन, सिंधुदुर्ग आयोजित पुण्यश्लोक अहिल्याबाई होळकर यांच्या ३०० व्या जयंतीनिमित्त ‘अहिल्या भीम पर्व’ या कला, सामाजिक, साहित्य संमेलनाचे सिंधुदुर्गनगरी येथे आयोजन करण्यात आले आहे. हा कार्यक्रम रविवार, १ जून २०२५ रोजी सकाळी ११ वाजता, दर्पणकार बाळशास्त्री जांभेकर पत्रकार भवन, जिल्हा बँकेसमोर, ओरोस, सिंधुदुर्ग मुख्यालय येथे होणार आहे.
या कार्यक्रमात पुस्तक प्रकाशन, गझल सादरीकरण तसेच विविध क्षेत्रातील मान्यवर व्यक्ती आणि संस्थांचा कौतुक सन्मान सोहळा संपन्न होणार आहे.
या कार्यक्रमात महाराष्ट्रातील नामवंत समाजसेवक, उद्योजक, कलाकार तसेच कवी व उत्तीर्ण विद्यार्थ्यांचा सत्कार संपन्न होणार आहे.
समृद्धी पब्लिकेशनचे संचालक प्रा. डॉ. बी. एन. खरात यांनी सहभाग व कार्यक्रमासंबंधी अधिक माहितीसाठी संपर्क करायचे आवाहन केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
