वेत्ये रस्त्यावरील खड्डे बुजवण्यासाठी ग्रामस्थांचे श्रमदान.
मळगाव | प्रतिनिधी : येथील मुख्य राज्यमार्गाला जोडणाऱ्या बाजारपेठ ते वेत्ये रोड ग्रामपंचायतच्या वाडीजोड रस्त्यांचे काम ठेकेदाराकडून निधी अभावी अपूर्ण अवस्थेत ठेवण्यात आले होते.
या वाडीजोड रस्त्यावरील खडीकरण पावसाळ्यात वाहून जाऊन रस्त्यावर भलेमोठे खड्डे पडले होते. त्यामुळे येणाऱ्या जाणाऱ्या वाहनधारकांना याचा त्रास सहन करावा लागत होता.
या भागातील ग्रामस्थांनी एकत्र येत खडी, वाळू, सिंमेट गोळा करत या रस्त्यावर पडलेले खड्डे श्रमदानातून बुजवले. रस्त्यालगत आलेली झाडी झुडपे तोडण्यात आली. या खड्ड्यांमुळे बाईकस्वारांचे अपघातही घडले होते असे समजते आहे.
या कामासाठी मळगाव तंटामुक्तीचे अध्यक्ष संजय धुरी यांच्यासह मंगेश राऊळ, मदन शिरोडकर, काशीनाथ सोनुर्लेकर, विलास राऊळ , प्रकाश साळगावकर, अथर्व धुरी, प्रथमेश खडपकर, सुरेश गावडे, इंगळे यांनी श्रमदान केले.
या रस्त्याचे अपूर्ण अवस्थेतील डांबरीकरण ग्रामपंचायत प्रशासनाने लक्ष देऊन निधी उपलब्ध करून लवकरात लवकर पूर्ण करून घ्यावे अशी मागणी ग्रामस्थांनी केली आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
