अध्यक्षपदी रविकिरण तोरसकर तर उपाध्यक्षपदी निशांत तोरसकर.

सावंतवाडी | ब्यूरो न्यूज : कोलगाव शिक्षण प्रसारक मंडळ कोलगाव, सिंधुदुर्ग संस्थेतील विविध घटकातील सभासदांनी कोलगाव शिक्षण प्रसारक मंडळ पंचवार्षिक निवडणुकीसाठी एकत्र येऊन उभारलेल्या विद्यातपस्वी चिंतामणी तोरसकर स्वप्नपूर्ती पॅनेलचा विजय झाला आहे. रविवार २५ मे रोजी संस्थेची निवडणूक कोलगाव माध्यमिक विद्यालय येथे झाली.

यामध्ये अध्यक्ष श्री. रविकिरण तोरसकर, उपाध्यक्ष श्री. निशांत तोरसकर, सचिव सौ. पूनम नाईक, सहसचिव डॉ.ज्योती तोरसकर, खजिनदार श्री. हेमंत वालकर, कार्यकारीणी सदस्य श्रीम. संगीता तोरसकर, सौ. अलका नारकर, श्री. देवेंद्र राऊळ, श्री. मनोज सातार्डेकर, श्री. दयानंद सराफ, श्री. प्रवीण आचरेकर, श्री. गणेश आरोंदेकर, श्री. नितीन सावंत, सौ. चित्रलेखा हिंदळेकर, श्री. प्रसन्ना राठोड असे सर्व पंधरा सदस्य बहुमताने निवडून आले.

धर्मदाय आयुक्त कार्यालय, सिंधुदुर्ग यांच्या देखरेखी खाली सदरची निवडणूक पार पडली. विजयी उमेदवार यांना संस्थेचे आजीव सभासद डॉक्टर विवेक रेडकर व सर्व सभासदांनी तसेच धर्मदाय आयुक्त कार्यालय कर्मचारी यांनी शुभेच्छा देऊन शैक्षणिक, क्रीडा, विषयक विषयात संस्था मजबुतीने काम करेल असा आशावाद व्यक्त केला अशी माहिती रविकिरण तोरसकर यांनी दिली आहे.