मालवणात श्रीराम मंदिर येथे श्री गजानन महाराज (शेगांव) भक्तमंडळाच्या वतीने श्री हनुमान जन्मोत्सव सोहळा संपन्न.
युवा कीर्तनकार प्रथमेश सामंत यांच्या कीर्तनाचा कार्यक्रम.
मालवण | प्रतिनिधी : मालवण शहरातील एस टी स्टॅन्ड नजिकच्या श्री गजानन महाराज (शेगांव) भक्तमंडळाच्या वतीने, १२ एप्रिल २०२५ रोजी श्री हनुमान जन्मोत्सव सोहळा ( हनुमान जयंती) साजरा करण्यात आला. यावेळी पहाटे ५ वाजता किर्तनकार प्रथमेश सामंत यांच्या किर्तनाचा विशेष कार्यक्रम संपन्न झाला. त्यांना अक्षय सातार्डेकर यांनी पेटी ( संवादिनी ) तर वैभव मांजरेकर यांनी तबला व युवराज कुर्ले यांनी पख़वाज वादनाने साथ दिली.
यावेळी किर्तनकार प्रथमेश सामंत यांनी सांगितले की आजच्या धकाधकीच्या व धावपळीच्या युगामध्ये देह, देश व धर्माला ग्लानी येऊ देऊ नये. पहाटे ५ वाजता आयोजित किर्तनाला उपस्थित सर्व भाविकांची त्यांनी विशेष प्रशंसा केली.
यावेळी श्री गजानन महाराज (शेगांव) भक्तमंडळाच्या वतीने अध्यक्ष श्री प्रभाकर देऊलकर यांनी पदाधिकारी व सदस्यांचे तसेच सोहळ्याला सहकार्य केलेल्यांचे व उपस्थित भाविकांचे आभार मानले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
