मसुरे कावावाडी हनुमान मंदिर येथे ११ ते १५ एप्रिल दरम्यान श्री हनुमान जन्मोत्सव.
श्री देव हनुमान मंदिराचा पंधरावा वर्धापन दिन सोहळा तसेच विविध कार्यक्रम.
भंडारी समाजसेवा संघ मसुरे कावावाडी यांच्यावतीने उपस्थितीचे आवाहन.
मसुरे | प्रतिनिधी : मालवण तालुक्यातील मसुरे कावावाडी येथील श्री देव हनुमान मंदिराचा पंधरावा वर्धापन दिन सोहळा तसेच श्री देव हनुमान जन्मोत्सव सोहळा शुक्रवार दि. ११ एप्रिल ते १४ एप्रिल या दरम्यान संपन्न होणार आहे. यावेळी जय बजरंग बली नाट्य मंडळाच्या भव्य रंग मंचावर सांस्कृतिक सामाजिक वैद्यकीय शैक्षणिक तसेच धार्मिक उपक्रमांच्या माध्यमातून विविध कार्यक्रमाचे आयोजन करण्यात आले आहे.
शुक्रवार दिनांक ११ एप्रिल रोजी सकाळी नऊ वाजता लघु रुद्र व अभिषेक, सकाळी ११ वाजता श्री सत्यनारायणाची महापूजा, १०.३० वाजता जय बजरंग बली नाट्य मंडळाचा ऐतिहासिक नाट्य प्रयोग आयोजित केला आहे. शनिवार दि.१२ एप्रिल रोजी सकाळी ५ वाजता कीर्तन व हनुमान जन्मोत्सव, सकाळी साडे सहा वाजता पालखी सोहळा, सकाळी ११ वाजता नेत्रचिकित्सा आणि आरोग्य तपासणी शिबिर, दुपारी १ वाजता महाप्रसाद, ७.३० वाजता जय बजरंग बली प्रसादिक भजन मंडळाचे सुश्रव्य भजन, ८.३० वाजता कावावाडीतील दहावी आणि बारावी मधील गुणवंत विद्यार्थ्यांचा सत्कार समारंभ, तसेच कावावाडीतील विद्यार्थ्यांना शालेय साहित्याचे मोफत वाटप आणि मान्यवरांचा सत्कार सोहळा, १०.३० वाजता दत्त माऊली पारंपरिक दशावता नाट्य मंडळ सिंधुदुर्ग यांचा दशावतार नाट्य प्रयोग सादर होणार.
रविवार दि. १३ एप्रिल रोजी १० वाजता कावा वाडीतील महिलांचे विविध सांस्कृतिक कार्यक्रम, १४ एप्रिल ८.३० वाजता जय बजरंग बली प्रसादिक भजन मंडळाचे महा ट्रीक्स सीन युक्त दिंडी नृत्य, दहा वाजता स्नेहभोजन .सर्व कार्यक्रमाचे लाभ घेण्याचे आवाहन भंडारी समाजसेवा संघ मसुरे कावावाडी यांनी केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
