कांदळगांव येथे ९ फेब्रुवारी २०२५ ते १४ फेब्रुवारी २०२५ कालावधीत ‘वेशी फिरणे’ कार्यक्रम संपन्न होत आहे. श्री देव रामेश्वर देवस्थानचा पारंपारीक स्वयंभू श्री देव रामेश्वर पालखी, तरंग, राणे – परब मानकरी आणि रयत मंडळींसह वेशी फिरणे असा कार्यक्रम आहे.

या कार्यक्रमाची रूपरेषा खालीलप्रमाणे आहे.

९ फेब्रुवारी रोजी श्री देव रामेश्वर मंदिर, कांदळगाव येथून दुपारनंतर कोळंब मांगरी येथे प्रस्थान, १० फेब्रुवारी रोजी कोळंब मांगरी येथील देव महापुरुष येथे दुपारी महाप्रसाद, ११ फेब्रुवारी रोजी न्हिवे येथे दुपारी महाप्रसाद, दुपारनंतर महान येथे प्रस्थान, १२ फेब्रुवारी रोजी दुपारी महान गांगेश्वर मंदिर येथे महाप्रसाद, दुपारनंतर कांदळगाव सातेरी मंदिर येथे प्रस्थान, १३ फेब्रुवारी रोजी सकाळी सातेरी मंदिर येथून कांदळगाव साळकरवाडी कडे प्रस्थान, तिथून माघारी येताना परबवाडी मोठ्या तुळशीजवळ महाप्रसाद, दुपारनंतर रवळनाथ मंदिर येथे प्रस्थान, १४ फेब्रुवारी रोजी रवळनाथ मंदिरातून राणेवाडी येथे प्रस्थान, दुपारी राणेवाडी मध्यवर्ती मोठी तुळस येथे महाप्रसाद, दुपारनंतर श्री देव रामेश्वर मंदिर येथे रवाना, रात्री श्री रामेश्वर मंदिर येथे रितीरिवजानुसार ‘वेशी फिरणे’ कार्यक्रमाची सांगता.

वेशी फिरणे कार्यक्रमात भाविकांनी उत्स्फूर्तपणे व मोठ्या संख्येने उपस्थित रहायचे आवाहन श्री रामेश्वर मंदिर, कांदळगाव देवस्थानच्या तर्फे करण्यात येत आहे.