तालुकास्तरीय पाढे पाठांतर स्पर्धा.

प्रकाशन: 01 Jan 2025 02:39 PM

वाचन संख्या 93

बातम्या

रोटरी क्लब ऑफ मालवण आयोजीत व रो. अपूर्व फर्नांडिस पुरस्कृत उपक्रम.

मालवण | ब्यूरो न्यूज : रोटरी क्लब मालवण आयोजित व रो. अपूर्व फर्नांडिस पुरस्कृत शालेय विद्यार्थ्यांसाठी तालुकास्तरीय पाढे पाठांतर स्पर्धेचे आयोजन करण्यात आले आहे.

जय गणेश स्कूल, मालवण येथे १३ जानेवारी रोजी दुपारी २ ते ६ यावेळेत ही स्पर्धा संपन्न होणार आहे. ही स्पर्धा ५ वी ते ७ वी व ८ वी ते १० वी अशा दोन गटात घेण्यात येणार आहे. ५ वी ७ वी गटातील विजेत्यांना प्रथम क्रमांक १००० व चषक, क्रमांक ७०० रुपये तर तृतीय क्रमांक ५०० रुपये आणि ८ वी ते १० वी गटातील विजेत्यांना प्रथम क्रमांक १२०० व चषक, क्रमांक १००० रुपये आणि तृतीय क्रमांक ७०० रुपये अशी पारितोषिके देण्यात येणार आहेत.

या स्पर्धेमध्ये सहभागी होण्यासाठी विद्यार्थ्यांना नांव नोंदणी लिमये हॉस्पिटल (9422076805 / 02365 252266) येथे १० जानेवारी पर्यंत करता येणार आहे. जास्तीत जास्त विद्यार्थ्यांनी या स्पर्धेमध्ये सहभागी व्हावे असे आवाहन रोटरी क्लब मालवण यांच्या वतीने करण्यात आले आहे.

संबंधित बातम्या