मालवण नगरपरिषदेच्या वतीने ११ जणांवर प्लॅस्टीक जप्तीची कारवाई.
एकूण १५० किलो प्लास्टीक जप्त आणि २१ हजार ९०० रुपयांचा दंड वसूल.
मालवण | प्रतिनिधी : मालवण नगरपरिषदेच्या वतीने शहरात विविध व्यावसायिक ठिकाणी प्लास्टीक जप्तीची कारवाई करण्यात आली. नगरपरिषद मुख्याधिकारी संतोष जिरगे यांच्या मार्गदर्शनाखाली आज १० डिसेंबर २०२४ रोजी नगरपरीषदेच्या अधिकारी व कर्मचारी यांच्या पथकाने ही कारवाई केली. या कारवाईत एकूण १५० किलो प्लास्टीक जप्त करण्यात आले असून एकूण २१ हजार ९०० रुपये दंड वसूल करण्यात आला आहे.
केंद्रीय पर्यावरण, वने व हवामान बदल मंत्रालयाने दिनांक १ जुलै २०२२ पासून ५० मायक्रोन पेक्षा कमी जाडीच्या सिंगल युज प्लॅस्टिक पिशवी उत्पादन, आयात, साठवण, विक्री व वापरावर बंदी केलेली आहे. महाराष्ट्र प्लॅस्टिक आणि थर्मोकोल अधिसूचना २०१८ नुसार याबाबत दोषी आढळल्यास ५०० रुपये दंड ठोठावण्याचे आदेश आहेत.
मालवण नगरपरिषद प्रशासनाद्वारे वेळोवेळी ५० मायक्राॅनपेक्षा कमी जाडीच्या प्लास्टीक वापराबाबत सोशल मिडिया, वृत्तपत्रे तसेच विविध माध्यमातून जागृती केली जात आहे. आगामी काळात देखिल अशा कारवाई सुरु राहतील अशी माहिती मालवण नगरपरिषदेच्या वतीने देण्यात आली आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
वेंगुर्लेत महाराष्ट्र चेंबर ऑफ कॉमर्सची 'गाव तिथे उद्योजक’ संकल्पनेवर विशेष बैठक संपन्न.
वेंगुर्लेत महाराष्ट्र चेंबर ऑफ कॉमर्सची 'गाव...
४१ व्या युवा राष्ट्रीय बास्केटबॉल चॅम्पियनशिप स्पर्धेत वैष्णवी परदेशी व अयान सोरठिया करणार महाराष्ट्राच्या संघाचे नेतृत्व.
