मिशन युवा स्वास्थ अभियानाचा होतोय उद्या कणकवली कॉलेज येथे शुभारंभ...!

प्रकाशन: 24 Oct 2021 10:46 PM

वाचन संख्या 69

आरोग्य

जि.प.अध्यक्ष सौ.संजना सावंत यांनी दिली माहिती…

कणकवली काॅलेज येथून होईल प्रातिनिधीक शुभारंभ..

कणकवली | ब्युरो न्यूज : सिंधुदुर्ग जिल्ह्यातील ‘मिशन युवा स्वास्थ covid-19 लसीकरण’, या स्वास्थ्य सक्षमीकरण उपक्रमाअंतर्गत 18 वर्षांवरील सर्व विद्यार्थ्यांसाठी कोरोना प्रतिबंधक लसीकरण अभियानाची सुरुवात उद्या दिनांक 25 ऑक्टोबरपासून कणकवली कॉलेज, कणकवली येथे सकाळी 10.00 वाजता,जिल्हा परिषद सिंधुदुर्ग आरोग्य विभागाकडून सुरुवात होणार आहे.
जि.प.अध्यक्ष सौ.संजना सावंत स्वतः जातीने जिल्ह्यातील कोरोना प्रतिबंधात्मक व इतर आरोग्यविषयक उपक्रमांचा पाठपुरावा करत असतात आणि या उपक्रमासाठीही त्यांनी विशेष प्रयत्न व आवाहन केलेले आहे.
उद्या एकाच दिवशी जिल्ह्यातील सर्व महाविद्यालयांमध्ये हे लसीकरण अभियान राबविण्यात येणार आहे. या अभियानाचा शुभारंभ कणकवली कॉलेज येथे प्रातिनिधिक स्वरूपात होणार असल्याचे अध्यक्ष जि.प. सिंधुदुर्ग यांनी प्रसारमाध्यमांना सांगितले.