सावंतवाडीतील मोती तलावात स्थानिक तरुणाचा मृतदेह.
सावंतवाडी | ब्युरो न्यूज : सिंधुदुर्ग जिल्ह्यातील
सावंतवाडी खासकीलवाडा येथील रहिवासी विठ्ठल उर्फ अवि बाळकृष्ण परब , (वय २७ वर्षे ) या तरुणाचा मृतदेह मोती तलावात आढळून आला. तो अविवाहित होता. काल सकाळी घरातून निघालेला विठ्ठल घरी परतलाच नाही. मात्र , आज सकाळी मोती तलावाच्या परिसरात काही व्यक्तींना मोती तलावाच्या पाण्यात एक मृतदेह तरंगताना दिसला. नागरिकांनी पालिका व पोलीस स्टेशनला कळवले. पालिका कर्मचाऱ्यांनी मोती तलावात बोटिंगद्वारे सदरचा मृतदेह बाहेर काढला. सदरच्या मृतदेहाची ओळख युवकाचे वडिल बाळकृष्ण परब यांना पटली त्यानंतर त्याला मृत घोषित करण्यात आले. याबाबत पोलीस अधिक तपास करत आहेत
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
