मसुरे | प्रतिनिधी : जिल्हा परिषद गुणवंत शिक्षक पुरस्कार जाहीर झाल्याच्या निमित्ताने ओसरगांव प्राथमिक शाळा १. चे मुख्याध्यापक किशोर कदम यांचा ओसरगांव ग्रामस्थांच्या
वतीने शाळेच्या सभागृहात नागरी सत्कार करण्यात आला. यावेळी बोलताना किशोर कदम यानी ग्रामस्थांचे सहकार्य आणि सहशिक्षक यांच्या सोबतीने केलेल्या शैक्षणिक कामामुळे मला प्रशासनातर्फे पुरस्कार जाहीर झाला आहे.

सिंधुदुर्ग जिल्हा परिषदेचा आदर्श शिक्षक पुरस्कार यावर्षी किशोर कदम यांना जाहीर झाला. यानिमित्ताने त्यांचा माजी विद्यार्थी समिती, शालेय व्यवस्थापन समिती, पालक, शिक्षण प्रेमी, ग्रामस्थ यांच्या वतीने हा सत्कार कार्यक्रम आयोजित करण्यात आला होता. यावेळी सामाजिक कार्यकर्ता तथा माजी जेष्ठ शिक्षिका वंदना विजय आपटे यांच्या हस्ते शाल श्रीफळ व पुष्पगुच्छ देऊन श्री कदम यांचा सत्कार करण्यात आला. यावेळी अँड.विलास परब, विवेक परब, जगन्नाथ राणे , प्रवीण नाईक, सुदर्शन नाईक, दिपक आंगणे, अध्यक्ष जीवबा अपराज, उपाध्यक्ष जाधव मॅडम राजेश कदम, रसिका तांबे, सुप्रिया अपराध, संदेश नाईक, अपेक्षा चव्हाण, शिक्षिका शितल दळवी, राजश्री तांबे, प्रमिता तांबे मॅडम आदी उपस्थित होते. या कार्यक्रमाचे सुत्रसंचालन विवेक परब यांनी केले.