अल्पावधीतच भजनप्रेमींची मने जिंकलेले भजनीबुवा…..!

मसुरे | प्राजक्ता पेडणेकर : मालवण तालुक्यातील मसुरे टोकळवाडी गावचे सुपुत्र, प्रसिद्ध भजनी बुवा तरुण चैतन्याचे भजनी गायक श्री. संतोष मसुरकर यांचा मसुरे गावात झाला सत्कार.. प्रसिध्द नाट्य कलाकार संतोष मसुरकर यांनी अल्पावधीतच भजन, नाट्य,सामाजिक क्षेत्रात केलेल्या कार्याचा गौरव म्हणून मसूरे साई मंदिर येथे सत्कार करण्यात आला. प्रदीप पाटकर आणि मेघःश्याम पेडणेकर यांच्या शुभहस्ते साईनाथ भक्त मंडळ मसुरे यांच्या वतीने हृदय सत्कार करण्यात आला. आपल्या अल्पावधीत संगीत भजन, कला क्रीडा, नाट्य क्षेत्रात केलेल्या चेतनादायी कामगिरीबद्दल या वेळी सर्वांनी विशेष कौतुक केले. मालवण तालुक्यातील भजन क्षेत्रामध्ये व इतरही ठिकाणी आपल्या मधुर गायकीने संतोष यांनी भजन रसिकांच्या मनांवर अधिराज्य गाजविले आहे. यावेळी मेघश्याम पेडणेकर, प्रदीप पाटकर, बाळू दळवी, दिपक पेडणेकर, शैलेश मसुरकर, दीपक शिंदे, दिनकर दुखंडे, यशवंत परब, समीर सावंत, सुनील प्रभुगांवकर, सुनील दूखंडे, रोशन दुखंडे, झुंजार पेडणेकर, बाबू मुळीक, नीळकंठ शिरसाट, महेश दुखंडे, बबन परब, बबन मसुरकर, वानिष शिरसाट, मनीष घाडीगांवकर, भालचंद्र खोत, अनील दुखंडे आणि सर्व क्षेत्रातील विविध मान्यवर उपस्थित होते.