कु. वरद बाक्रे व कु सम्यक पुरळकर यांची इस्त्रो सफरीसाठी निवड.

शिरगांव | संतोष साळसकर : डॉ. ए पी जे अब्दुल कलाम प्रज्ञाशोध परीक्षा सिंधुदुर्ग ची अंतिम गुणवत्ता यादी जाहीर झाली असून कणकवली येथील सद्गुरु भालचंद्र महाराज विद्यालय शाळा कणकवली क्रमांक तीन च्या इयत्ता सातवीच्या कु. वरद उदय बाक्रे याने ३०० पैकी २४६ गुण मिळवत जिल्हास्तरीय गुणवत्ता यादीत दहावा क्रमांक तर कणकवली तालुक्यात प्रथम क्रमांक मिळवला आहे तर याच शाळेच्या इयत्ता सातवीच्या कु. सम्यक चंद्रकांत पुरळकर याने ३०० पैकी २२२ गुण मिळवून कणकवली तालुक्यात तृतीय क्रमांक मिळवला आहे. या शाळेतील इयत्ता सातवीचे एकूण बारा विद्यार्थी प्रज्ञाशोध परीक्षेला बसले होते. १२ पैकी १२ म्हणजे शंभर टक्के विद्यार्थी या परीक्षेत उत्तीर्ण झाले.

कु.किंजल जयवंत रेवाळे २२० गुण मिळवून कणकवली तालुक्यात चौथी तर कु. संतोषी सुशांत आळवे २१६ गुण मिळवत कणकवली तालुक्यात सहावी आली आहे.

या सर्व विद्यार्थ्यांना वर्ग शिक्षिका श्रीमती प्रतिभा कोतवाल व पदवीधर शिक्षिका सौ अक्षया राणे यांचे मार्गदर्शन लाभले. या शाळेतील इयत्ता चौथीच्या कु. मयंक रविकांत बुचडे यांनी एपीजे अब्दुल कलाम प्रज्ञाशोध परीक्षेत ३०० पैकी २५४ गुण मिळवत कणकवली तालुक्यात चौथा क्रमांक प्राप्त केला आहे त्याला वर्ग शिक्षिका सौ रुपाली डोईफोडे यांचे मार्गदर्शन लाभले.

या सर्व यशस्वी विद्यार्थ्यांचे शाळेच्या मुख्याध्यापिका सौ अक्षया राणे व सर्व सहकारी शिक्षक तसेच शाळा व्यवस्थापन समिती अध्यक्ष श्री निलेश चव्हाण, उपाध्यक्ष सौ सायली राणे तसेच सर्व शाळा व्यवस्थापन समिती सदस्य यांनी अभिनंदन केले आहे. यापूर्वीही आज पर्यंत रघुनंदन राणे व राज सावंत हे या शाळेचे दोन विद्यार्थी इस्त्रो सफरीला जाऊन आले आहेत आता कु वरद बाक्रे व कु. सम्यक पुरळकर यांची इस्त्रो सफरीसाठी निवड झाल्याने पालक वर्गातून या विद्यार्थ्यांचे विशेष कौतुक होत आहे.