शिरवल येथील सामाजिक कार्यकर्ते श्री. दिगंबर पांचाळ कालवश.
कणकवली | ब्यूरो न्यूज : कणकवली तालुक्यातील शिरवल सुतारवाडी येथील रहिवासी तथा सामाजिक कार्यकर्ते श्री. दिगंबर धोंडु पांचाळ वय (६५ वर्षे) यांचे गुरुवारी १८ एप्रिल रोजी पहाटे ४ वाजता शिरवल येथील निवासस्थानी हृदयविकाराच्या झटक्याने निधन झाले.
दिगंबर पांचाळ हे उत्तम पेंटर होते. शिरवल गावचे शिवसेना शाखा प्रमुख पद त्यांनी भूषविले होते. शिरवल गावच्या सामाजिक, धार्मिक कार्यक्रमांमध्ये त्यांचे मोठे योगदान होते. गावच्या शैक्षणिक, सांस्कृतिक, सामाजिक, धार्मिक कार्यक्रमात त्यांचे भरीव योगदान राहिले आहे. त्यांच्या जाण्याने शिरवल गावातून शोक व्यक्त होत आहे. त्यांच्या पश्चात पत्नी,तीन मुलगे,सुना,एक विवाहित मुलगी, जावई, भाऊ,भावजय, पुतणे पुतणी, नातवंडे असा मोठा परिवार आहे.
शिरवल येथील स्मशानभूमीत त्यांच्या पार्थिवावर गुरुवारी सायंकाळी शोकाकुल वातावरणात अंत्यसंस्कार करण्यात आले.यावेळी शिरवल गावातील आणि कणकवली तालुक्यातील ग्रामस्थ मोठ्या संख्येने उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन.
