मालवण शहरातील वेशभूषा स्पर्धेला उत्स्फूर्त प्रतिसाद ; हिंदू नववर्ष स्वागत यात्रा समितीचे आयोजन.
मालवण : मालवण शहरात गुढीपाडव्याच्या निमित्त १० एप्रिलला हिंदू नववर्ष स्वागत यात्रा समितीच्या यांच्या वतीने आयोजीत वेशभूषा स्पर्धेला उत्स्फूर्त प्रतिसाद मिळाला. या स्पर्धेतील बालगटात नील रोगे, दुसऱ्या गटात स्वर्णीम काळसेकर, खुल्या गटात भावेश तळासकर तर नऊवारी साडी मध्ये अमृता फाटक यांनी प्रथम क्रमांक पटकाविला. या स्पर्धेसाठी विविध गटातून ८८ स्पर्धकांनी सहभाग घेतला.
स्पर्धेचा उर्वरित निकाल पुढीलप्रमाणे आहे. बालगट – द्वितीय- विहान गावकर, तृतीय- सारा पवार, उत्तेजनार्थ- सिया कदम, स्वराली धुरी.
दुसरा गट- द्वितीय- क्रिश नेसुरकर, तृतीय- रेवा जोशी, उत्तेजनार्थ- सार्थक गांगनाईक, कौशल गावकर, नऊवारी साडी-द्वितीय- नयना केळुसकर.
मामा वरेरकर नाट्यगृह परिसरात स्पर्धेचा पारितोषिक वितरण समारंभ संपन्न झाला. विजेत्यांना मान्यवरांच्या हस्ते पारितोषिक तसेच सहभागी स्पर्धकांना सहभाग प्रमाणपत्र देऊन गौरविण्यात आले. यावेळी हिंदू नववर्ष स्वागत यात्रा समिती समन्वयक भाऊ सामंत, विजय केनवडेकर, बंटी केनवडेकर, प्रशांत हिंदळेकर, अमित खोत, कृष्णा ढोलम, सौगंधराज बादेकर, संदीप बोडवे, संजय गावडे, वेदिका केनवडेकर, अंजली केनवडेकर, गणेश कुशे, संजय गावडे, सुजाता यादव यांच्यासह अन्य पदाधिकारी, कार्यकर्ते व पालक मोठ्या संख्येने उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
