कासार्डे तर्फेवाडीतील मंदिर उजळले ५०० दिव्यांनी ; अयोध्येतील श्री राम मंदिर प्राणप्रतिष्ठापनेनिमित्त अनोखी आरास.
शिरगांव | संतोष साळसकर : अयोध्या येथील श्री राममंदिर प्राणप्रतिष्ठापणा सोहळ्यानिमित्ताने त्याचे पंतप्रधान नरेंद्र मोदी यांनी देशभरात प्रत्येक मंदिरात धार्मिक कार्यक्रम करण्याचे आवाहन केले. त्याला प्रतिसाद देत काल सोमवार २२ जानेवारीला कणकवली तालुक्यातील कासार्डे गावातील तर्फेवाडी पिंपळेश्वर मंदिरात विविध धार्मिक कार्यक्रमांचे आयोजन करण्यात आले होते. मंदिराच्या गाभा-यात महापुरुषाच्या समोरच ‘जय श्री राम’ असे फुलांनी व पाकळयांनी सजवून काढले होते. तर मंदिराच्या गाभा-याच्या बाहेर जय श्री राम हे रांगोळीने व दिव्यांची रोशणाई करून काढण्यात आले होते. तसेच राम लल्लाच्या प्राणप्रतिष्ठेच्या वेळेनंतर दुपारी प्रसाद म्हणून पूर्ण वाडिला भोजनाचा प्रसाद देण्यात आला; तर संध्याकाळी भजन कीर्तन करून रात्रीही भोजन म्हणून प्रसाद वाटण्यात आला. तसेच पूर्ण मंदिर व मंदिरातील आतला भाग हा ५०० दिव्यांनी रोषणाई करून पूर्ण मंदिरच सजवल्याचे पिंपळेश्वर कासार्डे तर्फेवाडी विकास मंडळाचे सचिव दिनेश तर्फे यांनी सांगितले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
