कु. रजत रविकिरण तोरसकरने पटकावले रजत पदक ; नागपुर येथिल अश्वमेध टेबल टेनिस स्पर्धा.
मालवण | सुयोग पंडित : सिंधुदुर्ग जिल्ह्यातील मालवणच्या टोपीवाला हायस्कूलचा माजी विद्यार्थी रजत रविकिरण तोरसकर याने नुकत्याच खेळवल्या गेलेल्या टेबल आंतर विद्यापीठ आश्वमेघ राज्य टेबल टेनीस स्पर्धेत रौप्य तथा रजत पदक पटकावले. नागपुर (१२-१४ जानेवारी २०२४) येथे या स्पर्धा आयोजित करण्यात आल्या. या स्पर्धत महाराष्ट्रातील बावीस विद्यापीठांचा सहभाग होता. रजत तोरसकर व त्याच्या संघाने याने सदरच्या स्पर्धेमध्ये नागपूर विभागातील संत तुकडोजी महाराज विद्यापीठ चे प्रतिनिधित्व केले.अतिशय चुरशीच्या झालेल्या या स्पर्धेत नागपूर संघाने अतिशय उत्कृष्ट खेळ करत अंतिम फेरीत प्रवेश केला व रौप्य पदक पटकावले तर पुणे येथील विद्यापीठ सुवर्णपदकाचे मानकरी ठरले.
कु.रजत रविकिरण तोरसकर हा मालवण येथील टोपीवाला हायस्कूल आणि स.का पाटील महाविद्यालय याचा माजी विद्यार्थी आहे. नुकत्याच झालेल्या भोपाळ येथील टेबल टेनिस च्या विद्यापीठीय राष्ट्रीय विभागीय स्पर्धा मध्ये कास्य पदक मिळवले होते त्यामुळे त्याला खेलो इंडिया स्पर्धा खेळण्याची संधी.मिळाली आहे. त्याच्या या यशाबद्दल सर्व स्तरातून त्याचे अभिनंदन होत आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
