माऊली कर्णबधिर, मतिमंद निवासी विद्यालयाचे उद्या स्नेहसंमेलन.
बांदा | राकेश परब : सिंधुदुर्ग जिल्ह्यातल्या सावंतवाडी तालुक्यातील आरोस दांडेली येथील माऊली कर्णबधिर निवासी विद्यालय व माऊली मतिमंद निवासी विद्यालयांचा वार्षिक स्नेहसंमेलन व बक्षीस वितरण समारंभ उद्या १२ जानेवारीला सकाळी १० ;३० वाजता पारिजात मंगल कार्यालय येथे होणार आहे. कार्यक्रमास दांडेली सरपंच निलेश आरोलकर, सावंतवाडी सहकारी संस्था सहायक निबंध उर्मिला यादव, जिल्हा समाजकल्याण अधिकारी व्ही.एन. ठाकूर, वै. सा. का. समाजकल्याण विभागाचे जी.एस. हुक्कीरे आदी मान्यवर उपस्थित राहणार आहेत. वार्षिक स्नेहसंमेलन व बक्षीस वितरण समारंभास सर्वांनी उपस्थित रहावे असे आवाहन शिरोडा माऊली महिला मंडळाच्या अध्यक्षा रेखा गायकवाड, माऊली कर्णबधिर निवासी विद्यालयाचे मुख्याध्यापक सतीश उकरंडे व माऊली मतिमंद निवासी विद्यालयाचे मुख्याध्यापक रुपेश सावंत यांनी केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
