मालवण तालुक्यातील मनसे पदाधिकार्यांचे राजीनामा सत्र सुरूच ; माजी तालुका अध्यक्ष विनोद सांडव यांच्या सोबत चौके व परिसरातील ४ पदाधिकारी मनसे मधून पडले बाहेर.
मालवण | सुयोग पंडित : सिंधुदुर्ग जिल्ह्यातील मनसे व मनविसेच्या पदाधिकारी व कार्यकर्ते यांच्या राजीनाम्याचा सत्राचा मालवण तालुक्यातही प्रभाव दिसून येऊ लागला आहे. माजी तालुका अध्यक्ष विनोद सांडव यांच्या सोबत संघटनात्मक व पक्ष कार्यात सक्रीय असणारे चौके शाखाध्यक्ष गणेश गावडे, साळेल शाखाध्यक्ष सचिन गावडे, उपशाखाध्यक्ष दिनेश कदम, मनविसे माजी तालुका अध्यक्ष विनायक गावडे या ४ पदाधिकारी मनसे पक्षातून बाहेर पडले आहेत.
चौके व परिसरात, माजी तालुका अध्यक्ष विनोद सांडव यांच्या नेतृत्वाखाली हे चौघे व त्यांच्या कार्यकर्त्यांनी गेली काही वर्षे विविध सामाजिक प्रश्नांवर सतत कार्य व उपक्रम चालू ठेवले होते परंतु अलिकडील काळात मनसेचे पक्षनिरीक्षक व इतर काही जणांच्या मनमानीमुळे आपण मनसे सोडत असल्याची त्यांनी प्रतिक्रीया दिल्याचे सूत्रांकडून समजते आहे. माजी तालुका अध्यक्ष विनोद सांडव यांच्या सोबत असल्याचे स्पष्ट करत त्यांच्या राजीनाम्याला एकप्रकारे पाठिंबा देऊनच ह्या चौघांनी राजीनामा दिला आहे.
काल मनविसेचे माजी उप जिल्हा प्रमुख तसेच मालवण, तारकर्ली, देवबाग येथील परिणामकारक युवा मनविसे नेतृत्व व क्रियाशील कार्यकर्ते प्रतिक कुबल यांनीही राजीनामा दिला होता आणि आता चौके परिसरातील या ४ युवा पदाधिकार्यांच्या राजीनाम्याने मनसे मधिल अनुभवी व युवा कार्यकर्त्यांच्या फळीत मोठी पोकळी निर्माण झाल्याचे बोलले जात आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
