आत्तापर्यंत जिल्ह्यातील ५० हजार ६०५ रुग्णांनी केलीय कोरोनावर मात..!

ओरोस | प्रतिनिधी : जिल्ह्यात बुधवारी ८३ रुग्ण काेराेनामुक्त झाले असून नवीन २५ व्यक्तींचा काेराेना तपासणी अहवाल पाॅजिटिव्ह आला आहे. जिल्ह्यात मृत्यू पावलेल्या व्यक्तींचा आकडा १ हजार ४३८ वर पाेहाेचला असून बुधवारी २ जणांचा मृत्यू झाला असल्याची माहिती प्रभारी जिल्हा शल्य चिकित्सक डाॅ. श्रीपाद पाटील यांनी दिली. 

      जिल्ह्यात बुधवारी जिल्ह्यात नवीन २५ रुग्ण आढळले आहेत . तर ८३ रुग्णांनी कोरोनावर मात केली आहे . त्यामुळे कोरोनावर मात करणाऱ्या रुग्णांची संख्या ५० हजार ६०५ एवढी झाली आहे .  दरम्यान  बुधवारी मृत्यू झालेल्यांमध्ये मालवण तालुक्यातील ६५ वर्षीय पुरुष , कुडाळ तालुक्यातील ६९ वर्षीय पुरुष  रुग्णांचा समावेश आहे .

 जिल्ह्यात सध्या ५६१ रुग्ण सक्रिय आहेत.  आजपर्यंत एकुण ५२ हजार ६०६ पॉझिटिव्ह रुग्ण मिळाले आहेत . त्यापैकी ५० हजार ६०५ रुग्ण बरे होऊन घरी परतले आहेत. जिल्ह्यात ४२ रुग्ण ऑक्सीजन वर तर ११ रुग्ण व्हेंटिलेटर वर आहेत.  जिल्ह्यात २ लाख ९६ हजार ५० आरटीपीसीआर टेस्टचे नमुने तपासण्यात आले. त्यापैकी ३७ हजार ६०९ नमुने पॉजिटिव्ह आले आहेत. आज ५५२ आरटीपीसीआर टेस्टचे नमुने तपासण्यात आले. अॅन्टिजन टेस्टचे २ लाख ७९ हजार ७४४ नमुने तपासण्यात आले. त्यापैकी १५ हजार ४७७ नमुने पॉजिटिव्ह आले आहेत. तर आज १५७ अॅन्टिजन टेस्ट नमुने तपासण्यात आले. 

आजचे कोरोना पॉजिटिव्ह तालुकानिहाय रुग्ण –

         जिल्ह्यात आज २५ व्यक्तींचा कोरोना तपासणी अहवाल पॉजिटिव्ह आला आहे. यामध्ये देवगड ४ ,  कणकवली ७ , कुडाळ ७ , मालवण ४ , सावंतवाडी १,  वेंगुर्ला २ रुग्णांचा समावेश आहे.