कासार्डे | निकेत पावसकर : सिंधुदुर्ग जिल्ह्यातील कणकवली येथील विद्यामंदिर शाळेच्या विद्यार्थ्यांनी स्वस्तिक फाऊंडेशनच्या असलदे येथील दिविजा वृद्धाश्रमात भेट देउन प्रदूषणमुक्त दिवाळी साजरी केली. विद्यामंदिर शाळेतील शिक्षक प्रसाद राणे व शिक्षिका सौं. शर्मिष्ठा केळुस्कर यांनी विद्याथ्यांना दिविजा वृद्धाश्रमात नेंउन प्रदूषण मुक्त दिवाळी हा उपक्रम राबविला.

या उपक्रमानिमित्त या विद्यार्थ्यांनी या वृध्दाश्रमातील आजी आजोबासाठी भेट कार्ड बनवून आणली, काही विद्यार्थीनी गीते सादर केली तर काहींनी फराळ व जीवनावश्यक वस्तूचे वाटप केले. यावेळी प्रसाद राणे यांनी आश्रम संकल्पना काय असतें ह्या विषयी माहिती विद्यार्थीना दिली. विद्यार्थी व शिक्षकांनी आजी आजोबांचे पाद्य पुजन्न करून ओवाळनी केली. एक उत्तम संस्कार शिक्षकांनी या विद्यार्थ्याना यानिमित्ताने आश्रमात शिकवला. तर यावेळी दिविजा वृद्धाश्रमाच्या संचालकांनी आश्रमाची माहिती विद्यार्थीना दिली.

आजी आजोबांना नातवंडे भेटायला आल्यामुळे खूप भारावून गेले. विद्यामंदिर शाळेने प्रदूषणमुक्त दिवाळी हा राबावलेला उपक्रम प्रशंसनीय आहे अशी प्रतिक्रिया उपस्थित सर्वांनी तसेच आजी आजोबांनी दिली. यावेळी शाळेचे प्रसाद राणे, सौ. शर्मिला केळुसकर, विद्या शिरसाट, श्रीमती आर. आर. कदम, श्रद्धा लिमये, कर्मचारी अरुण इंगळे आणि पालक उपस्थित होते.