पंतप्रधान नरेंद्र मोदींचा मालवण दौरा आणि किनारपट्टी वरील अनधिकृत बांधकाम हटविणे यांचा काहीच सबंध नाही ; भाजपा मच्छीमार सेलचे जिल्हा संयोजक रविकिरण तोरसकर यांचे स्पष्टीकरण.
राजकीय हेतूने गैरसमज पसरवण्याचे काम काहीजण करत असल्याचीही केली टीका.
मालवण | सुयोग पंडित : भाजप मच्छीमार सेलचे जिल्हा संयोजक रविकिरण तोरसकर यांनी मालवण किनारपट्टीवरील अनधिकृत बांधकामांवर जी काल कारवाई झाली त्या संदर्भात एका प्रसिद्धी पत्राद्वारे स्पष्टीकरण दिले आहे. प्रशासनाने मालवण किनारपट्टीवरील अनधिकृत बांधकामे हटविणे संदर्भात सबंधित व्यावसायिक यांना नोटिसा बजविल्या आहेत. ३ ऑक्टोबर २०२३ च्या या नोटीसा ही लोकशाही दिनात उपस्थित केलेल्या एका नागरिकाच्या तक्रारीच्या अनुषंगाने बजाविण्यात आल्या आहेत असे रविकिरण तोरसकर यांनी सांगितले आहे. तक्रारदार नागरीकाने पर्यटन व्यावसायिक यांच्या अनधिकृत बांधकाम मुळे आपल्या व्यवसायावर तसेच वहिवाट याच्यावर बाधा येत आहे आणि या अतिक्रमणांवर कायदेशीर कारवाई करण्याची मागणी केली आहे. त्या अनुषंगाने प्रशासनाने सबंधित व्यक्तींना नोटिसा बजावल्या आहेत. यामधे पंतप्रधान नरेंद्र मोदी यांची मालवण भेट याचा दुरान्वये सबंध नाही. काही राजकीय हेतूने प्रेरित माणसे व्यापारी, पर्यटन व्यावसायिक तसेच मच्छीमार या मध्ये गैरसमज पसरवून वातावरण बिघडविण्याचे काम करीत आहेत असा आरोप करताना रविकिरण तोरसकर यांनी या विषयातील तो तक्रारदार नागरिक हा मविआ आघाडीचा पदाधिकारी आहे असेही सांगितले आहे.
पंतप्रधान व राष्ट्रपती यांचा नौदल दिना निमित्त होणारा मालवण दौरा ऐतीहासिक असून मालवण तसेच सिंधुदुर्ग किल्ला जगाच्या नकाशावर येणार आहे. छत्रपती शिवाजी महाराज यांच्या राजकोट मध्ये होणाऱ्या पुतळा यामुळे पर्यटनाचे नवीन ठिकाण निर्माण होत आहे व त्याचा फायदा स्थानिक व्यापारी, पर्यटन व्यावसायिक तसेच मच्छीमार यांनाच होणार आहे. त्यामुळे मच्छीमार व पर्यटन व्यवसायिक यांनी टोकाची भूमिका घेऊ नये तसेच कुठच्याही अफवेला बळी पडू नये असे आवाहन भाजपा मच्छीमार सेलचे जिल्हा संयोजक रविकिरण तोरसकर यांनी प्रसिद्धीपत्रकाद्वारे करीत आहे. त्याचबरोबर तालुका प्रशासन जिल्हा प्रशासन सोबत संबंधित विषयात चर्चा चालू आहे. लवकरच तहसीलदार तसेच जिल्हाधिकारी यांची मच्छीमार तसेच पर्यटन व्यावसायिक सोबत बैठक आयोजित करण्यासाठी प्रयत्न चालू आहेत तरी मच्छीमार व पर्यटन व्यावसायिक यांनी आंदोलनात्मक पवित्रा न घेता प्रशासनाशी संवाद साधावा व त्यासाठी भारतीय जनता पार्टी च्या वरिष्ठ पदाधिकारी यांच्या माध्यमातून प्रयत्न चालू आहेत असे आवाहन भाजप मच्छीमार सेलचे जिल्हा संयोजक रविकिरण तोरसकर यांनी केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
