'हाय गर्मी….' चा विक्रमी उच्चांक..!
तेज़ चक्रीवादळ संपूर्ण ओसरल्यानंतर जाणवणार दशकात न अनुभवलेला उकाडा..!
ब्यूरो न्यूज | पुणे : यंदाचा ऑक्टोबर महिना हा अल निनोच्या प्रभावामुळे गेल्या दशकातील सर्वात उष्ण महिना ठरण्याच्या दिशेने जात आहे. यंदा मान्सून १५ दिवस आधीच परतल्याने उन्हाचा तडाखा लवकर जाणवला. ऑक्टोबरमधील सरासरी तापमान ३१.२ वरून ३३.५ ते ३४.७ अंशावर गेले आहे. दिवसभर अंगाची लाही करणारे ऊन आणि रात्री अस्वस्थ करणारा उकाडा असे चित्र यंदा दिसत आहे. तेज़ चक्रीवादळ संपताच तापमान आणखी वाढणार असल्याचा अंदाज शास्त्रज्ञांनी दिला आहे.
भारतीय हवामान शास्त्र विभागासह पुण्यातील इंडियन इन्स्टिट्यूट ऑफ ट्रॉपिकल मेट्रोलॉजीतील हवामान तज्ज्ञांच्या अभ्यासानुसार यंदाचा ऑक्टोबर हा गेल्या १० वर्षांचे कमाल तापमानाचे विक्रम मोडण्याच्या उंबरठ्यावर आहे. आजवर २०२०चा ऑक्टोबर हा गेल्या काही वर्षांतला सर्वात उष्ण ठरला होता. मात्र, यंदाचे २०२० पेक्षाही उष्ण ठरत आहे.
हवामान अधिकार्यांच्या म्हणण्यानुसार अरबी समुद्रातील तेज चक्रीवादळाचा हा परिणाम आहे. हे वादळ हवेतील बाष्प शोषून घेत असल्याने हा परिणाम मुंबईपासून सुरू झाला असून तो राज्यावर लवकरच गेल्या दशकात कधीही न अनुभवलेला उकाडा जाणवणार आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
