कणकवलीत घरफोडी ; दिवसा उजेडी फोडून लुटल्या दोन सदनिका.
कणकवली | ब्यूरो न्यूज : सिंधुदुर्ग जिल्ह्यातील कणकवलीत दिवसा उजेडी खळबळजनक घरफोडी व लूटीचा प्रकार घडला आहे. शहरातील रामेश्वर प्लाझा मधील दुसऱ्या मजल्यावरील दोन सदनिकांमध्ये अज्ञातांनी आज दुपारी १२ ते १.३० च्या दरम्यान हे कृत्य केल्याचे सूत्रांकडून समजते आहे. इथले सदनिका रहिवासी डॉ. अशोक कदम यांच्या सदनिकेत कडीकोयंडा व कपाटाची तोडफोड करुन रोख रक्कम आणि काही तोळे सोन्याचा ऐवज चोरीला गेले आहे.
या घटनेची माहिती मिळताच सहाय्यक पोलीस निरीक्षक मनोज पाटील, पोलीस मिलिंद देसाई, आर. आर. राऊत यांच्यासह पोलीस अधिकारी व कर्मचारी घटनास्थळी दाखल झाले आहेत. तसेच ठसे तज्ञांचे पथक देखील रामेश्वर प्लाझा येथे आलेले आहे असे सूत्रांकडून समजते.
फोटो सौजन्य | कणकवली ब्यूरो
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
