खारेपाटण | प्रतिनिधी : सिंधुदुर्ग जिल्ह्यातील कणकवली तालुक्यातल्या खारेपाटणसून सुटणारी भुईबावडा एसटी बस ही गेले काही दिवस वेळेवर येत नसल्याने प्रवासी विद्यार्थी यांची मोठ्या प्रमाणावर गैरसोय होत होती. खारेपाटण मधून भुईबावडा एसटी बस फेरीची वेळ ही दुपारी १२:४५ ची असून देखील ही बस गेले काही दिवस दुपारी ३ च्या नंतर खारेपाटण बसस्टँड ला येत येत होती. त्यामुळे या बस ने प्रवास करणारे प्रवासी व कॉलेज चे विद्यार्थी यांची फारच पंचाईत होत होती .

हा प्ररकार देवगड – कणकवली- वैभववाडीचे आमदार नितेश राणे यांना कळताच त्यांनी एसटी महामंडळ अधिकार्यांना एक फोन कॉल करून भुईबावडा एसटी खारेपाटण स्टॅन्ड ला नियमितपणे वेळेत पाठवण्याचे ‘आदेश’ दिले. त्यानुसार भुईबावडा बस ही यापुढे खारेपाटण स्टॅन्ड ला वेळेवर पाठवून प्रवासी व विद्यार्थ्यांचे होणारे हाल दूर करण्याचे आश्वासन एसटी च्या विभागीय नियंत्रकानी आमदार नितेश राणे यांना दिले. खारेपाटण येथून सुटणारी भुईबावडा एसटी वर अनेक प्रवासी विद्यार्थी अवलंबून आहेत. खारेपाटण पासून भुईबावडा व भुईबावडा मार्गावरची सर्व गांवे ही खारेपाटण पासून लांब असल्याने, खारेपाटण येथून सुटणारी दुपारची खारेपाटण भुईबावडा बस ही विद्यार्थी व प्रवासी यांच्यासाठी महत्त्वाची बस आहे. आमदार नितेश राणे यांनी तत्परतेने एसटी च्या विभागीय नियंत्रकांना फोन काॅल करून खारेपाटण भुईबावडा बस ही नेहमी वेळेत खारेपाटण स्टॅन्ड ला आली पाहिजे असे सक्त आदेश दिल्याने आता ही बस वेळेवर खारेपाटण स्टॅन्डला येणार असल्याचे समजल्याने प्रवासी व विद्यार्थी यांच्यातून समाधान व्यक्त होत आहे.

‘आमदार नितेश राणे यांचा एक फोन काॅल आणि प्रवासी व विद्यार्थ्यांचे टळले हाल’ अशीच प्रतिक्रिया अनेकांनी या घटनेबद्दल व्यक्त करत आमदार नितेश राणे यांचे आभार मानले आहेत.