आमदार नितेश राणे यांनी एस टी कर्मचारी वर्गाच्या मागणीची घेतली त्वरीत दखल ; ४४१ जणांना मिळणार दिलासा.
ओरोस | ब्युरो न्यूज : सिंधुदुर्ग जिल्हयातील ४४१ एस. टी. कर्मचाऱ्यांना १५ ऑगस्ट २०२३ रोजी मिळणारी सण उचल रक्कम अद्याप एस.टी. प्रशासनाकडून मिळालेली नाही. सध्या जिल्हयामध्ये गणेशोत्सव साजरा करीत असताना सण उचल न मिळाल्याने एस. टी. कर्मचाऱ्यांमध्ये नाराजी आहे. याबाबत भाजपा जिल्हा कामगार आघाडी सिंधुदुर्ग चे संयोजक अशोक राणे यानी एस. टी. कर्मचाऱ्यांसह आमदार नितेशजी राणे यांची भेट घेऊन त्याना सण उचल न मिळाल्याची समस्या लेखी निवेदनाद्वारे सादर केली. त्यानुसार आमदार नितेश राणे यानी एस. टी. महामंडळाचे उपाध्यक्ष व व्यवस्थापकीय संचालक शेखर चन्ने यांचेशी संपर्क साधून सण उचल त्वरीत देण्याबद्दल चर्चा केली असून लवकरच ४४१ एस. टी. कर्मचाऱ्यांना दिलासा मिळणार आहे.
आमदार नितेश राणे यांनी एस. टी. कर्मचाऱ्यांच्या प्रश्नाची त्वरीत दखल घेतल्याबद्दल अशोक राणे व कर्मचारी वर्ग यांनी आभार मानले आहेत.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
