वागदे येथे मध्यमवयीन तरुणाची आत्महत्या..!
कणकवली | ब्युरो न्यूज : सिंधुदुर्ग जिल्ह्यातील कणकवली नजिकच्या वागदे येथील साईनाथ चंद्रकांत साटेलकर या मध्यमवीय तरुणाने राहत्या घरात लोखंडी बारला गळफास घेऊन आत्महत्या केली. ते ३६ वर्षांचे होते. ही घटना साधारण सायंकाळी ४ : ३० च्या आसपास घडल्याचे सूत्रांकडून समजते आहे.
त्यांचे लहान भाऊ राजू चंद्रकांत साटेलकर यांनी या घटनेबाबत कणकवली पोलीस ठाण्यात फिर्याद नोंदवली आहे. मयत साईनाथ चंद्रकांत साटेलकर यांची पत्नी, आई व मुले आज ही सकाळी पाहुण्यांकडे गेली होती. सायंकाळी परत आल्यावर दरवाजा उघडल्यावर साईनाथ साटेलकर हे गळफास घेतलेल्या अवस्थेत आढळून आले. त्यांच्या आई आणि पत्नी यांनी त्यांचा लहानभाऊ राजू याला बोलावून घेतले. त्यानंतर कणकवली पोलीस स्टेशनला याची माहिती देण्यात आली. पोलीस घटनास्थळी पोहचले असून पुढील तपास करत आहेत. साईनाथ साटेलकर यांच्या आत्महत्येचे कारण समजू शकलेले नाही. त्यांचे मोबाईल तपासून पुढील तपास केला जाईल, अशी माहिती पोलीस ठाण्यातून देण्यात आली. याबाबत कणकवली पोलीस ठाण्याचे पोलीस मनोज गुरव पुढील तपास करत आहेत.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन.
