खारेपाटणच्या शेठ नवीनचंद्र मफतलाल विद्यालय व ज्युनियर काॅलेज मध्ये पारितोषिक वितरण सोहळा संपन्न.
खारेपाटण | प्रतिनिधी : सिंधुदुर्ग जिल्ह्यातील कणकवली तालुक्यातल्या खारेपाटण येथील शेठ नविनचंद्र मफतलाल विद्यालय व जुनिअर कॉलेज मध्ये वार्षिक पारितोषिक वितरण समारंभ शाळेच्या कै. चंद्रकांत रायबागकर सभागृहात नुकताच संपन्न झाला. खारेपाटण शिक्षण संस्थेचे सचिव महेश कोळसुलकर यांच्या अध्यक्षतेखाली झालेल्या या कार्यक्रमाला प्रमुख पाहुणे म्हणून जि. प. चे माजी वित्त व बांधकाम सभापती बाळा जठार उपस्थित होते. खारेपाटण सिनिअर कॉलेजचे प्राचार्य डॉ. ए. डी. कांबळे, मुख्याध्यापक संजय सानप, पर्यवेक्षक संतोष राऊत व इतर शिक्षक आणि शिक्षकेतर कर्मचारी तसेच पालक आणि विद्यार्थी उपस्थित होते.
या कार्यक्रमात ५ वी ते १२ वी इयत्तेतील मागील वर्षीच्या गुणवंत विद्यार्थ्यांना गौरविण्यात आले. तसेच स्कॉलरशिप परीक्षेमध्ये यशस्वी विद्यार्थ्यांनाही गौरविण्यात आले. प्रस्ताविकामध्ये संजय सानप यांनी प्रशालेचा गौरवशाली इतिहास नमूद केला. सेक्रेटरी महेश कोळसुलकर यांनी अध्यक्षीय मनोगतात सर्व यशस्वी विद्यार्थ्यांचे कौतुक केले आणि पुढील वाटचालीसाठी शुभेच्छा दिल्या. सूत्रसंचालन सहायक शिक्षक महादेव मोटे यांनी तर मान्यवरांचा परिचय सहाय्यक शिक्षक सचिन शेट्ये यांनी केला. सहाय्यक शिक्षिका प्रियेशा अमृते यांनी आभार प्रदर्शन केले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
