कणकवली | प्रतिनिधी : सिंधुदुर्ग जिल्ह्यातील शिवसेना उद्धव बाळासाहेब ठाकरे पक्षाच्या नांदगांव विभागातर्फे नवनियुक्त जिल्हा प्रमुख संदेश पारकर यांचे अभिनंदन व सत्कार करण्यात आला. भविष्यात शिवसेना पक्षप्रमुख उद्धव ठाकरे यांच्या नेतृत्वाखाली राज्यात पुन्हा महाविकास आघाडी सत्ता येणार आहे. भाजपा नेतृत्वाविरुद्ध जनमानसात चीड निर्माण झाली आहे म्हणूनच सत्ताधारी निवडणुकांपासून पळ काढत आहेत. आगामी निवडणुकांमध्ये आपल्या शिवसैनिकांनी जोमाने काम करत सज्ज रहावे असे संदेश पारकर यांनी यावेळी सांगितले. ते पुढे म्हणाले की आता जिल्हाप्रमुख या नात्याने संपूर्ण ताकद शिवसैनिकांना दिली जाईल. सिंधुदुर्गात राणे भाजपाला रोखण्यासाठी गावागावातून आवाज उठवला पाहिजे. स्थानिक आमदारांचे अपयश लोकांपर्यत पोहोचवा. आगामी काळात आपण संघटीत लढा दिला तर विजय निश्चित असेल,असेही श्री.पारकर म्हणाले.

यावेळी अल्पसंख्यांक जिल्हाध्यक्ष मज्जित बटवाले,उपविभाग प्रमुख तात्या निकम, प्रदीप हरमलकर, आबू मेस्त्री, इमाम नावळेकर, शाखाप्रमुख संजय डगरे, आनंद तांबे, लक्ष्मण लोके, दीपक कांडर, अनिल नरे, मनोज लोके, अब्दुल नावलेकर, खुदबुद्दीन नावलेकर, याकुब नावलेकर भ, इरफान नावलेकर , रोहन जोशी, अंजर बटवाले, सोहेल सुभेदार, दयानंद लोके, संतोष नरे यांच्यासह शिवसैनिक पदाधिकारी व कार्यकर्ते उपस्थित होते.