मसुरे | प्रतिनिधी : राज्याचे सार्वजनिक बांधकाम मंत्री व सिंधुदुर्ग जिल्ह्याचे पालकमंत्री नामदार रवींद्र चव्हाण यांनी शनिवारी दुपारी आंगणेवाडी येथे येऊन श्री देवी भराडी मातेचे दर्शन घेतले. यावेळी मालवण पंचायत समितीचे माजी उपसभापती संजय उर्फ छोटू ठाकूर यांनी मसुरे गावासहित परिसरातील गावातील विविध विकासात्मक प्रश्नांबाबत पालकमंत्री रवींद्र चव्हाण यांचे निवेदनाद्वारे लक्ष वेधले. या भागातील प्रलंबित विविध विकासात्मक कामे प्राधान्याने पूर्ण व्हावीत यासाठी छोटू ठाकूर, महेश बागवे, शिवाजी परब यांनी नामदार रवींद्र चव्हाण यांच्याकडे प्राधान्याने मागणी केली. नामदार रवींद्र चव्हाण यांनी सुद्धा छोटू ठाकूर यांच्या निवेदनाची त्वरित दखल घेऊन आपल्या सोबत असणाऱ्या स्विस सहाय्यकाला छोटू ठाकूर यांच्या निवेदनाची त्वरित दखल घेण्याच्या सूचना करून ही सर्व कामे प्राधान्याने पूर्ण झाली पाहिजेत अशी सूचना केली. याप्रसंगी महेश बागवे यांनी सुद्धा विविध विकासात्मक प्रश्नांबाबत नामदार रवींद्र चव्हाण यांच्याशी चर्चा विनिमय केला.

यावेळी छोटू ठाकूर यांनी मसुरे विभागाच्या वतीने नामदार रवींद्र चव्हाण यांचे पुष्पगुच्छ देऊन स्वागत केले. यावेळी माजी पंचायत समिती सदस्य महेश बागवे, शिवाजी परब, पुरुषोत्तम शिंगरे, यासीन सय्यद, जितेंद्र परब, दया देसाई असे मान्यवर उपस्थित होते.