आमदार नितेश राणे यांनी केले स्वागत.

कणकवली | प्रतिनिधी : सिंधुदुर्ग जिल्ह्यातील कणकवली तालुक्यातल्या दिगवळे गांवचे सरपंच संतोष घाडीगांवकर यांनी भाजपात प्रवेश केल्याने दिगवळेतील शिवसेना उद्धव बाळासाहेब ठाकरे पक्षाला धक्का बसला आहे. आमदार नितेश राणे यांची विकासकामे व गांवचा विकास हा आमदार नितेश राणे आणि भाजपा पक्ष यांच्याच माध्यमातून होऊ शकतो. या भूमिकेतून दिगवळेचे उबाठा सेनेचे सरपंच संतोष रामचंद्र घाडीगांवकर यांनी आमदार नितेश राणे, माजी जि. प. अध्यक्ष संदेश सावंत, संजना सावंत यांच्या प्रमुख उपस्थितीत कणकवलीतील ओम गणेश निवासस्थानी भाजपा पक्षात प्रवेश केला.

यावेळी संदेश उर्फ गोट्या सावंत माजी जि.प. अध्यक्ष, संजना संदेश सावंत माजी जि. प. अध्यक्ष, राजेश पवार ग्राम. सदस्य, अनुजा पवार ग्राम. सदस्य, रेश्मा खांडेकर ग्राम. सदस्य, मनिषा केरे ग्राम.सदस्य, संजना चव्हाण, हरिश्चंद्र परब, महेश पवार, गणेश कुबल, सतीश सावंत, संदीप चव्हाण, बाबू घाडी उपस्थित होते.

दरम्यान प्रवेशानंतर आपण गावतील विविध विकास कामे व गावच्या विकासाला चालना देणारी काम करणार असल्याचे सरपंच संतोष रामचंद्र घाडीगांवकर यांनी सांगितले. आमदार नितेश राणे यांच्या कार्यपध्दतीवर विश्वास असल्याचे त्यांनी स्पष्ट केले आहे.