कोल्हापूरात संपन्न झाला पुरस्कार सोहळा.

मालवण | सुयोग पंडित : सिंधुदुर्ग जिल्ह्यातील मालवण शहरातल्या स का पाटील सिंधुदुर्ग कॉलेजच्या एनसीसी विभागाचे प्रमुख तसेच व्यावसायिक अर्थशास्त्र विभागाचे प्रमुख असोसिएट एनसीसी ऑफिसर प्राध्यापक लेफ्टनंट प्रा डॉ एम आर खोत यांना काल २६ ऑगस्टला कोल्हापूर येथे ‘सत्यशोधक अण्णाभाऊ साठे परिषद, महाराष्ट्र’यांच्यावतीने ‘अण्णाभाऊ साठे समाजभूषण पुरस्कार’ प्रदान करण्यात आला.

प्राध्यापक एम आर खोत मूळ गांव कोगनोळी कागल हे असून हे एका शेतकरी कुटुंबातील आहेत. लहानपणापासून त्यांनी शेतीची कामे करीत बारावीपर्यंत शिक्षण पूर्ण केले होते व त्यानंतर कोल्हापूर या ठिकाणी एका बुलडोजर कंपनीत क्लार्क आणि मॅनेजर म्हणून काम करीत असताना B.A., M.A., M.Phil. Ph.D . आणि GDC & A . अशा पदव्या प्राप्त केल्या. पीएचडी करत असताना शहाजी कॉलेज व महावीर कॉलेज कोल्हापूर या ठिकाणी तासिका तत्त्वावर बुलडोझर कंपनीतील नोकरी सांभाळत शिकवण्याची काम केले. त्यानंतर पिएचडी झाल्यानंतर मालवण मधील सिंधुदुर्ग कॉलेजवर सहाय्यक प्राध्यापक म्हणून रुजू झाले. कॉलेजला जॉईन झाल्यानंतर त्यांनी असोसिएट एनसीसी ऑफिसर pre. commissioner army course हा तीन महिन्याचा आर्मी कोर्स भारताचे मध्यवर्ती ट्रेनिंग सेंटर नागपूर कामठी या ठिकाणी पूर्ण केला. त्यांना लेफ्टनंट हे पद प्राप्त झाले . अलीकडच्या काळात त्यांनी MBA (ह्यूमन रिसोर्स मॅनेजमेंट) हा अभ्यासक्रम देखील पूर्ण केलेला आहे. तसेच चालू वर्षी फेब्रुवारी महिन्यात पुन्हा एक महिन्याचा आर्मी कोर्स पूर्ण करून आलेले आहेत .मुंबई युनिव्हर्सिटी व कॉलेज या ठिकाणी विविध समित्यांवर ते काम करतात.

कोल्हापूर या ठिकाणी देखील आपल्या मूळ गावी वेगवेगळ्या सामाजिक कार्यात ते सातत्याने सहभागी असतात. या सर्व गोष्टींचा विचार करून सामाजिक व शैक्षणिक क्षेत्रात उल्लेखनीय कामगिरी करत असल्यामुळे त्यांना हा अण्णाभाऊ साठे समाजभूषण पुरस्कार जाहीर झालेला आहे. हा पुरस्कार सोहळा राज्यश्री शाहू सांस्कृतिक भवन दसरा चौक कोल्हापूर या ठिकाणी मान्यवरांच्या उपस्थितीत संपन्न झाला. या पुरस्काराबद्दल प्राध्यापक डाॅ. लेफ्टनंट खोत यांचे मालवण मधून अभिनंदन होत आहे.