मुणगे येथे यशस्विनी प्रतिष्ठान आणि संघर्ष मित्र मंडळाचे शैक्षणिक दातृत्व.
मसुरे | प्रतिनिधी : सिंधुदुर्ग जिल्ह्यातील देवगड तालुक्यातल्या मुणगे येथे यशस्विनी प्रतिष्ठान आणि संघर्ष मित्र मंडळ आडबंदर, मुंबई यांच्या सौजन्याने श्री भगवती हायस्कूल आणि कै. वीणा सुरेश बांदेकर ज्युनिअर कॉलेज मधील दहावी आणि बारावीच्या परीक्षेत उत्तीर्ण झालेल्या प्रथम ३ क्रमांकाच्या विद्यार्थ्यांचा सन्मानचिन्ह आणि रोख रक्कम देऊन सन्मानित करण्यात आले. तसेच इयत्ता पाचवी ते दहावीच्या विद्यार्थ्यांना वह्या वाटप करण्यात आले.
याप्रसंगी यशस्विनी प्रतिष्ठानच्या सल्लागार सौ. रवीना मालाडकर, सौ.अंजली सावंत, सौ.देवयानी राणे, श्री.तुषार आडकर, श्री.योगेश लब्दे, श्री.शिवदास रासम, श्री.अशोक सावंत आणि पालक समिती यांच्या हस्ते विद्यार्थ्यांना सन्मानित करण्यात आले. पुढील शैक्षणिक वर्षासाठी खूप शिका मोठे व्हा आपल्या आईवडिलांचे, शिक्षकांचे नाव मोठे करा आणि ज्या शाळेमध्ये शिकलात त्या शाळेची आठवण, आपुलकी, अभिमान नेहमी तुमच्या हृदयात जपून ठेवा अशा शुभेच्छा देण्यात आल्या.
शाळेचा मुख्याध्यापिका श्रीमती. एम. बी. कुंज, सौ. गौरी तवटे , श्री. प्रसाद बागवे, श्री. एन जी विरकर, हरीश महाले, सौ कुमठेकर उपस्थित होते. यावेळी यशस्विनी प्रतिष्ठान आणि संघर्ष मित्र मंडळ यांचे आभार मानण्यात आले व यशस्विनी प्रतिष्ठान आणि संघर्ष मित्र मंडळ यांच्या वतीने देखील उपस्थित सर्वांचे आभार मानण्यात आले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
