जागतिक पर्यावरण दिनी विलवडे जलस्त्रोताची साफसफाई
नेहरू युवा केंद्र आणि कोकण संस्थेचा उपक्रम
बांदा : राकेश परब
कोकण कला व शिक्षण विकास संस्था गेली अनेक वर्षे वेगवेगळे सामाजिक उपक्रम राबवत असते त्यातील काही उपक्रम म्हणजे गडकिल्ले साफसफाई, बीच क्लिनिंग, रस्ते साफसफाई मोहीम आणि गाळ स्वच्छता मोहीम होय. स्वच्छता मोहीमच एक भाग म्हणून काल ५ जानेवारी रोजी जागतिक पर्यावरण दिनाचे औचित्य साधून नेहरु युवा केंद्र – सिंधुदुर्ग, कोकण कला व शिक्षण विकास संस्था आणि ग्रामपंचायत विलवडे यांच्या संयुक्त विद्यमाने विलवडे जलस्त्रोताची साफसफाई करण्यात आली.
यामध्ये प्लास्टिक बाटल्या,प्लास्टिक पिशव्या, पिशव्या, काचेच्या बाटल्या, प्लॅस्टिकच्या टाकाऊ वस्तू, जुने कपडे इत्यादी जल प्रदूषणास कारणीभूत ठरणारा कचरा साफ करण्यात आला. यावेळी विलवडे गावचे सरपंच प्रकाश दळवी, हनुमंत गवस, समीर शिर्के, बाळकृष्ण शेळके सह अनेक कार्यकर्ते उपस्थित होते.
यावेळी विलवडे गावचे सरपंच प्रकाश दळवी यांनी “कोकण संस्थेचे काम खरोखर कौतुकास्पद आहे, या उपक्रमामुळे पाणी स्वच्छ आणि साफ राहण्यास मदत होईल” अशा शब्दात या उपक्रमाचे कौतुक केले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
वेंगुर्लेत महाराष्ट्र चेंबर ऑफ कॉमर्सची 'गाव तिथे उद्योजक’ संकल्पनेवर विशेष बैठक संपन्न.
वेंगुर्लेत महाराष्ट्र चेंबर ऑफ कॉमर्सची 'गाव...
