मालवण | सुयोग पंडित : गेली १५ वर्षे राजापूर तालुक्यातील एकाच वेळी ३ ग्रामपंचायतचा कारभार समर्थपणे सांभाळणारे व मूळ कलमठ बाजारपेठ येथील श्री प्रशांत प्रमोद कांबळी यांना आदर्श ग्रामसेवक पुरस्कार प्रदान करण्यात आला आहे. अशी कामगिरी बजावणारे ते दुर्मिळ ग्रामसेवक आहेत. सध्या ते राजापूर तालुक्यातील भू या गांवी कार्यभाग संभाळत आहेत, त्यांच्या कार्याची दखल घेऊन त्यांना काल २४ एप्रिलला सावरकर नाट्यगृह रत्नागिरी येथे मुख्यकार्यकारी अधिकारी यांच्या प्रमुख उपस्थितीत व पालक मंत्री यांच्या हस्ते आदर्श ग्रामसेवक पुरस्कार प्रधान करण्यात आला . हा पुरस्कार रत्नागिरी जिल्हा परिषद च्या वतीने २०२१ -२२ ह्या वर्षाच्या उत्तम कामगिरीसाठी देण्यात आला .

तसेच सध्या कार्यरत असलेल्या भू या ग्रामपंचायतला संत गाडगेबाबा महाराज स्वच्छता अभियान द्वितीय क्रमांक पुरस्कार देण्यात आला आहे .श्री प्रशांत कांबळी हे आपल्या ग्रामपंचायत मध्ये शासनाचे नविन नवीन उपक्रम राबवत असतात त्यामुळेच पंचक्रोशीतील सर्व नागरिक त्यांचा नेहमीच गौरव करत असतात. या पुरस्कारासाठी सर्व स्तरातून श्री प्रशांत कांबळी यांची सिंधुदुर्ग जिल्ह्यातील व कणकवलीत सर्व स्तरांतून प्रशंसा होत आहे.

श्री.प्रशांत कांबळी हे ज्येष्ठ अभिनेत्री सौ.अक्षता कांबळी यांचे पुतणे देखील असून सौ.अक्षता कांबळी यांनीही वैयक्तीक स्तरावर त्यांचे अभिनंदन केले आहे.