वेंगुर्लेत दिव्यांगांसाठी प्रमाणपत्र व स्वावलंबन कार्ड ( UDID ) शिबीराचे आयोजन.
सिंधुदुर्ग साईकृपा अपंगशक्ती संस्थेचा पुढाकार.
विवेक परब | ब्यूरो चीफ : सिंधुदुर्ग जिल्हा रुग्णालयाच्या वतीने वेंगुर्ले येथील ग्रामीण रुग्णालयात शुक्रवार १७ मार्च रोजी सकाळी १० ते दुपारी १ या वेळेत वेंगुर्ले तालुक्यातील दिव्यांगांसाठी प्रमाणपत्र व स्वावलंबन कार्ड ( UDID ) शिबिराचे आयोजन करण्यात आले आहे.
वेंगुर्ले तालुक्यातील दिंव्यांगांना दिव्यांग प्रमाणपत्र व स्वावलंबन कार्ड मिळविण्यासाठी ओरस येथील जिल्हा रुग्णालयात फेऱ्या माराव्या लागतात. तसेच दिव्यांगांना तिकडे जाण्यासाठी सोबतीला कुणालातरी घेऊन जावे लागत असल्याने ही बाब खर्चीक असल्याने बरेच दिंव्यांग हे स्वावलंबन कार्ड पासुन वंचित आहेत. त्यामुळे दिंव्यांग असुनही त्यांना शासकीय योजनांचा फायदा मिळत नाही. याकरिता वेंगुर्ले तालुक्यामध्ये या शिबिराचे आयोजन करण्यात आले आहे. तरी वेंगुर्ले तालुक्यातील जास्तीत जास्त दिव्यांगांनी या शिबीराचा लाभ घ्यावा असे आयोजकांकडून आवाहन करण्यात येत आहे.
सिंधुदुर्ग साईकृपा अपंगशक्ती संस्थेचे अध्यक्ष अनिल शिंगाडे व भाजपा जिल्हा सरचिटणीस प्रसन्ना देसाई यांच्या नेतृत्वाखाली शिष्टमंडळाने जिल्हा शल्यचिकित्सक डाॅ.नागरगोजे यांची भेट घेऊन वेंगुर्ले येथे शिबीर घेण्याची मागणी केली. यावेळी शिबीरासाठी लागणारे डाॅक्टर उपलब्ध करून देणार असल्याचे सांगितले, तसेच शिबिरास सर्व सहकार्य करणार असल्याचे सांगितले. यावेळी अतिरिक्त जिल्हा शल्यचिकित्सक डाॅ.श्रीपाद पाटील, वाचा उपचार तज्ञ डाॅ.श्रीधर पोवार, डाॅ.भगत उपस्थित होते.
जिल्हा शल्यचिकित्सक यांना भेटण्यासाठी गेलेल्या शिष्टमंडळात शामसुंदर लोट, दिक्षा तेली, प्रकाश वाघ, स्वाती राऊळ, प्रशांत केळुसकर, नीलम राणे उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
