आचरा येथे आकाश दर्शन उपक्रम संपन्न ; यशराज प्रेरणा समूह आचरा व रानमित्र आचरा समूहाचा संयुक्त उपक्रम.
विवेक परब | ब्यूरो चीफ : सिंधुदुर्ग जिल्ह्यातील मालवण तालुक्यातील आचरा येथील यशराज प्रेरणा समूह आचरा व रानमित्र आचरा समूह यांचा संयुक्तपणे ‘आकाश दर्शन’ कार्यक्रम ३ फेब्रुवारीला रात्री संपन्न झाला.
अनेक लोकांना आकाश दर्शनासंबंधी नेहमीच कुतूहल वाटत आले आहे. आपणही आकाश पहावे आकाशातील खगोलांची माहिती घ्यावी असे प्रत्येकाला वाटते. त्यासाठी यशराज प्रेरणा समूह आचरा व रानमित्र आचरा यांनी खगोल अभ्यासक मंदार माईणकर यांच्या माध्यमातून हा उपक्रम आखला होता.
खगोल प्रेमींना सुमारे पन्नास हजार वर्षांनी एकदा दिसणारा धुमकेतू दुर्बिणीच्या सहाय्याने दाखविला तसेच आकाशातील ग्रह गोलांविषयी व चंद्राविषयी अभ्यासपूर्ण माहिती दिली. उपस्थित विद्यार्थ्यांनी आपल्या शंकांचे समाधान करून घेतले. या संधीचा लाभ आचरा परिसरातील सुमारे ५० विद्यार्थ्यांनी व खगोल प्रेमींनी घेतला. याप्रसंगी यशराज प्रेरणा समुहाचे मंदार सरजोशी, रानमित्र आचराचे स्वप्निल गोसावी, सुशांत सावंत, राजेश भिरवंडेकर व इतर सेवक, कार्यकर्ते उपस्थित होते. उपस्थित सर्वांनी खगोल मार्गदर्शक मंदार माईणकर यांचे आभार मानले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
वेंगुर्लेत महाराष्ट्र चेंबर ऑफ कॉमर्सची 'गाव तिथे उद्योजक’ संकल्पनेवर विशेष बैठक संपन्न.
वेंगुर्लेत महाराष्ट्र चेंबर ऑफ कॉमर्सची 'गाव...
