माजी सभापती राजेंद्र प्रभुदेसाई यांना पत्नीशोक ; सौ.रसिका राजेंद्र प्रभूदेसाई कालवश.
मसुरे | प्रतिनिधी : सिंधुदुर्ग जिल्ह्यातील मालवण तालुक्यातल्या
वडाचापाट येथील सौ. रसिका राजेंद्र प्रभूदेसाई ( ५४ वर्ष) यांचे काल रविवारी २९ जानेवारीला पहाटे प्रदीर्घ आजाराने राहत्या घरी निधन झाले.
त्यांच्या पश्चात पती, मुलगा, सून, दीर, जाऊ, पुतणे, भाऊ, बहिणी, भावजय, भाचे, नातवंडे असा मोठा परिवार आहे. मालवणचे माजी सभापती भाजपचे जेष्ठ कार्यकर्ते, खरेदी विक्री संघ मालवणचे संचालक आणि वडाचापाट विकास सोसायटीचे अध्यक्ष राजेंद्र प्रभूदेसाई यांच्या त्या पत्नी होत. सेवानिवृत्त ग्रामविकास अधिकारी रवींद्र प्रभूदेसाई यांच्या वहिनी तर ग्रामसेवक सुनील देसाई, युवा कार्यकर्ते दयानंद प्रभूदेसाई, ग्रामपंचायत सदस्य विनायक प्रभूदेसाई, अमित व अरुण प्रभूदेसाई यांच्या त्या काकी तर सिव्हिल इंजिनियर राकेश प्रभूदेसाई यांच्या आई आणि वडाचापाट सरपंच सौ सोनिया दयानंद प्रभूदेसाई यांच्या सासू होत. रविवारी वडाचापाट स्मशानभूमीत अंतिम संस्कार करण्यात आले. यावेळी विविध क्षेत्रातील मान्यवर उपस्थित होते.
सौ.रसिका राजेंद्र प्रभूदेसाई यांच्या निधनाने जिल्ह्यातील सर्व स्तरांतून शोक व्यक्त होत आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
