नांदगांव उर्दू शाळेत उर्दू शिक्षक संघटनेचा मेळावा संपन्न.
संतोष साळसकर | सहसंपादक : महाराष्ट्र राज्य उर्दू शिक्षक संघटना सिंधुदुर्गचा वार्षिक मेळावा नांदगांव व उर्दू शाळेत उत्साहात झाला. यावेळी विविध विषयांवर सकारात्मक चर्चा करण्यात आली.
यावेळी संघटनेचे राज्य सचिव ताजुद्दिन परकार, उपाध्यक्ष रिजवान शेख, कोकण विभाग सचिव शाहनवाज लोरे, रायगड जिल्हाध्यक्ष अखलाक गोडमे, रत्नागिरी सचिव रियासत नाईक, राज्य संघटक सियाकत राऊत, रायगड सचिव राज अहमद, कोल्हापूर कार्याध्यक्ष शाहनूर, शौकत ऐनरकर, राज्य संघटक हाजी सुलेमान बेग व उर्दू शिक्षक उपस्थित होते.
यावेळी रायगड, सिंधुदुर्ग, रत्नागिरी जिल्ह्यातील उर्दू शिक्षक रिक्त पदे तात्काळ भरणे, आंतर जिल्हा बदली झालेल्यांना कार्यमुक्त करणे, अल्पसंख्याक मुलांना प्रोत्साहनपर शिष्यवृत्ती देणे, जुनी पेन्शन तसेच मुस्लिम राज्यातील मुलांना शिक्षणाच्या मुख्य प्रवाहात आणणे व गुणवत्ता पुर्ण शिक्षण देऊन पुर्ण समाजाच्या शैक्षणिक, सामाजिक विकासासाठी काय करता येईल यावरही चर्चा करण्यात आली. तसेच स्पर्धा परीक्षांमध्ये यश संपादन करण्यासाठी प्रयत्न तर मुस्लिम समाजाच्या विकासासाठी उर्दू शिक्षकांची भूमिका यावर चर्चा करण्यात आली.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
