चिंदर गांवचे सुपुत्र नंदकुमार तावडे तथा 'घाडी मास्तर' यांना क्रीडा क्षेत्रातील जीवन गौरव पुरस्कार प्रदान.
विवेक परब | ब्यूरो चीफ : रत्नागिरी येथे नुकत्याच झालेल्या राज्यस्तरीय शरीरसौष्ठव स्पर्धेच्या शेवटच्या दिवशी संघटनेचे प्रमुख पदाधिकारी नंदकुमार तावडे यांना जीवन गौरव पुरस्कार प्रदान करण्यात आला.
नंदकुमार तावडे (घाडी मास्तर) हे क्रीडा क्षेत्रातील ऋषीतुल्य व्यक्तिमत्त्व आहेत. आयुष्यातील ६० वर्षांपेक्षा अधिक काळ त्यांनी क्रीडा क्षेत्राची निरपेक्ष आणि निःस्वार्थपणे सेवा करण्यात व्यतित केला आहे.
चिंदर गावचे सुपुत्र नंदकुमार तावडे हे ‘घाडी मास्तर’ म्हणून क्रीडा क्षेत्रात प्रसिद्ध असून प्रथम बृहन्मुंबई हौशी संघटनेत १९७४ पासून व नंतर १९८२ साली पॉवरलिफ्टिंग संघटनेची स्थापना झाली तेव्हापासून आजतागायत ते मानद महासचिव पद सांभाळत आहेत. कामगार विभागातील करी रोड रेल्वे स्टेशनजवळ असणाऱ्या श्री शिव छत्रपती व्यायाम शाळेत ते १९८६ पासून व्यायाम शिक्षक म्हणून आजपर्यंत काम पहात आहेत. त्यांनी २०००च्या वर युवकांना मार्गदर्शन केले. त्यात काही खेळाडू हे राष्ट्रीय व आंतरराष्ट्रीय खेळाडू झाले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
४१ व्या युवा राष्ट्रीय बास्केटबॉल चॅम्पियनशिप स्पर्धेत वैष्णवी परदेशी व अयान सोरठिया करणार महाराष्ट्राच्या संघाचे नेतृत्व.
मुख्यमंत्री देवेंद्र फडणवीस यांच्या हस्ते २७ ऑक्टोबर रोजी 'सीएम चषक' ४१व्या युथ नॅशनल बास्केटबॉल स्पर्धेचे उद्घाटन.
मालवणच्या रोझरी इंग्लिश स्कूल प्रशालेचा ॲथलीट कु. सोहम चव्हाण याची विभागीय स्पर्धेच्या पात्रतेची 'उंच उडी...!'
